બજાર » સમાચાર » ફાઈનાન્શિયલ પ્લાનિંગ

મની મૅનેજર: 9 મુખ્ય નાણાંકિય આદતો

ના રોજ પ્રકાશિત Tue, 17, 2016 પર 17:32  |  સ્ત્રોત : CNBC-Bajar

ટીપે - ટીપે સરોવર ભરાય. અને એ સરોવરનો જ્યારે યોગ્ય ઉપયોગ થાય ત્યારે તે મહેનત સાર્થક કરી ગણાય. આવી જ રીતે આપણે નાની - નાની રકમ એકઠી કરી આપણાં નાણાંનું આયોજન કરતા હોઈએ છીએ. પણ એ યોગ્ય રીતે ન થયું હોય તો બધી જ મહેનત નિરર્થક જાય છે. પણ સીએનબીસી બજારનો મની મૅનેજર શૉ તમારી કોઈ પણ નાણાંકિય આયોજનમાં કરેલી મહેનતને નિષ્ફળ નહિં થવા દે. મની મેનેજરમાં આજે 9 નાણાંકિય ટેવ, કેવી રીતે કેળવી શકો? શું કરવું જોઈએ?

દરેક માણસે તેના જીવનમાં અમુક વસ્તુઓની આદત બનાવી હોય છે, જેમાં સારી અને ખરાબ બન્નેનો સમાવેશ થાય છે. સારી આદતથી માણસ સારૂ કામ કરી શકે છે જ્યારે ખરાબ આદત માણસને નુકશાન કરતી હોય છે. જ્યારે વાત આવે તમારા નાણાંની તો ખરાબ આદત બિલકુલ પરવડે નહિં, તો આજે અમે તમારા માટે 9 સારી આદતોનું લીસ્ટ બનાવ્યું છે જે તમારા માટે અનુસરવી ખુબ જરૂરી છે. અને આ આદતોનું લીસ્ટ આપણા સામે રજૂ કરવા જોડાઈ રહ્યાં છે ટ્રાન્સેન્ડ કંસલ્ટન્સીના ડિરેક્ટર કાર્તિક ઝવેરી.

પહેલી આદત છે ખર્ચાઓ પર નિયંત્રણ લાવવું. તમારા ખર્ચાઓને મોનીટર કરવાનું શઝ્ર કરો. તમારા ખર્ચાઓનો હિસાબ લખવો. તમે ખર્ચાઓ ક્યાં અને કેવી રીતે કરો છો તેની યાદી બનાવો. ેતમારા વિચારોની પ્રક્રિયાને રિવર્સ કરો. જ્યારે આવક ખાતામાં જમા થાય ત્યારે પહેલા રોકાણ કરી લેવું. આવક - રોકાણ = ખર્ચ. બચત અને રોકાણ એ 2 અલગ વસ્તુ છે.


તમારા બચતમાં કેટલું રિટર્ન મળે છે તે જોવું. મોંઘવારી દરના પ્રમાણમાં બચત તપાસવી. રોકાણ તમને મોંઘવારી કરતા વધારે વળતર આપવું જોઈએ. ધ્યેય નક્કી કરવો ખુબ આવશ્યક છે. ધ્યેયનો માત્ર વિચાર નહિં પણ તેને લખીને રાખવો જોઈએ. લખીને રાખવાથી તે વસ્તુ સતત સામે આવે છે અને મેળવવી સરળ બની રહે છે. કેલ્ક્યુલેટર બનાવો અને વસ્તુનું પાલન કરવાનું શરૂ કરો.


રિસ્ક મેનેજમેન્ટમાં 3 વસ્તુ મહત્વની છે. ક્રેડિટકાર્ડ કે લોન ખરાબ વસ્તુ નથી. ક્રેડિટકાર્ડનો યોગ્ય ઉપયોગ કરવો ખુબ જઝ્રરી છે. ક્રેડિટકાર્ડનો તેવી રીતે ઉપયોગ કરવો કે આ બિલ હું તરત ભરી શકું. લોન લેવી તે ખરાબ વિચાર નથી. લેવરેજ કરવું ફાયદા કારક છે. ઘણી પરિસ્થિતીમાં લોન લેવાથી ફાયદો થાય છે.