બજાર » સમાચાર » ફાઈનાન્શિયલ પ્લાનિંગ

ટેક્સ પ્લાનિંગ: દર્શકની સમસ્યા - મૂકેશભાઇની સલાહ

ના રોજ પ્રકાશિત Fri, 09, 2017 પર 17:31  |  સ્ત્રોત : CNBC-Bajar

5 જૂન 2017ના દિવસે આ નોટિફિકેશન બહાર પાડવામાં આવ્યું છે. 2017ના કેન્દ્રીય અંદાજપત્ર પૂર્વે કેપિટલ માર્કેટમાં લાંબા ગાળાના મૂડી નફામાં એસટીટી ચૂકવણી થઇ હોય તેમાંથી ઉદ્દભવતો નફો સંપૂર્ણ કરમુક્ત રહેતો હતો. આ જોગવાઇનો ખાસ્સો દુરપયોગ પણ થતો જોવા મળ્યો છે.


વર્ષ 2016માં આઇડીએસ સ્કીમમાં જે આવક જાહેર થઇ તેમાં પણ મોટાંભાગની આવકો જાહેર થઇ તેમાં પેન્ની સ્ટોકના કિસ્સા સામે આવ્યા હતા. કાળાંનાણાના રૂપાંતર માટે કેપિટલ માર્કેટનો ઉપયોગ થતો હતો તેને રોકવાનો પ્રયાસ કરવામાં આવ્યો છે. તેથી સેક્શન 10(38) હેઠળ જે શેર્સની ખરીદી સમયે એસટીટીની ચૂકવણી કરવામાં ન આવી હોય તો તેમાં લાંબા ગાળા મૂડીનફાનો ફાયદો મળી શકશે નહીં તેવી જોગવાઇ કરવામાં આવી.


વસિયત કે વારસામાં મળેલ શેર્સમાં ખરીદી સમયે એસટીટી ભર્યો નથી પણ વેચાણ સમયે એસટીટી ભર્યો છે. ઇ-સોપ્સ તરીકે શેર્સ મળ્યા હોય ત્યારે પણ ધારણ કરતાં સમયે એસટીટી ચૂકવાયો હોતો નથી. તેથી આ સંદર્ભમાં રજૂઆત થઇ શકે તેના માટે ડ્રાફ્ટ નોટિફિકેશન સરકારે બહાર પાડ્યું હતું.


સેક્શન 10(38)ના નોટિફિકેશનમાં અપવાદરૂપ કિસ્સા તરીકે બક્ષિસ, વસિયત,વારસા અને ઇ-સોપ્સના શેર્સને સમાવિષ્ટ કર્યા છે. બિનરહીશને શેર્સ અલોટમેન્ટ થયા હોય, સરકાર દ્વારા શેર્સ મળ્યા કે બોનાફાઇડ અલોટમેન્ટ અનુસાર કલમ 47 હેઠળ મળેલ શેર્સનો અપવાદ તરીકે સમાવેશ કર્યો છે.


15જી અને 15એચમાં એક સમયે એવું હતું કે કરદાતાં પોતે જ આ ફોર્મ ભરીને વ્યાજ કે ભાડાની આવક માટે આપી શકાતું હતું. પરંતુ આ બંને ફોર્મની જોગવાઇમાં સુધારા દાખલ કરવા જરૂરી બન્યા છે. આ ડેક્લેરેશન ફાઇલ કરવામાં આવે ત્યારે આવકવેરા કમિશનરની ઓફિસમાં ફાઇલ કરવામાં આવતું હતું.


પરિણામે સ્થિતિ એવી ઉભી થઇ કે આવકવેરા વિભાગની ઓફિસમાં ફોર્મના થપ્પા લાગી ગયા તેથી મોનિટરીંગ કરવાની પ્રક્રિયા લગભગ અશક્ય બની ગઇ હતી. નવી સિસ્ટમ અનુસાર ડેક્લેરેશન સ્વીકારનારને 15જી અને 15એચ આપતાં સમયે તેને અપલોડ કરવાનું રહેશે. બેન્કમાં આપતાં સમયે ડિપોઝિટની રકમ તેના પર મળવાપાત્ર વ્યાજની આવકની વિગતો આપવાની રહેશે.


આ ઉપરાંત વર્ષ દરમિયાન કેટલાં 15જી અને 15એચના કેટલાં ફોર્મ સબમિટ કર્યા છે તેની પણ ચકાસણી કરવામાં આવશે. 15જીનો નિયમ એ છે કે 2.5 લાખ રૂપિયાથી વધુ કોઇ ગ્રોસ આવક નથી તો જ લાગુ પડે છે. 15એચમાં સિનિયર સિટીઝન હોય તેમની બેઝિક મર્યાદા 3 લાખ રૂપિયા અને તેની ઉપર અન્ય કપાતનો લાભ લઇ શકો છો. નવા નોટિફિકેશન મુજબ વર્ષ દરમિયાન અન્ય કોઇ નવું રોકાણ કરશો તો નવેસરથી 15જી અને 15એચ ફોર્મ ભરવાનું રહેશે.


સવાલ:
હું 27 વર્ષથી એનઆરઆઇ છું અને 5 વર્ષથી રિટાયર્ડ છું, પરંતુ મારા પિતાએ લીધેલા 1990થી 1994 સુધીમાં શેર્સ ખરીદ્યા છે તે મને વારસાઇમાં મળ્યા છે પરંતુ મારી પાસે એનઆરઓ એકાઉન્ટ છે અને એનઆરઇ એકાઉન્ટ 1990થી છે તો અહીંયા મારી કરવેરાની જવાબદારી શું રહેશે?


જવાબ:
ઘણાં એનઆરઆઇને એ પણ ખ્યાલ નથી કે ઓર્ડિનરી એકાઉન્ટ હું ભારતમાં રહીશ નથી તો તેમણે બેન્કમાં જાણ કરીને એકાઉન્ટ ચેન્જ કરાવવું પડે છે. આવા કિસ્સામાં કોઇ દંડની જોગવાઇ નથી પરંતુ બેન્કમાં તમારી પરિસ્થિતિ જાણ કરીને બેન્ક એકાઉન્ટને એનઆરઓ એકાઉન્ટમાં કન્વર્ટ કરાવવું જોઇએ.


સવાલ:
મારા પિતા પાસેથી મળેલી મિલક્તનું વેચાણ કરું તો તેના ઉપર કેપિટલ ગેઇન ટેક્સ લાગે કે નહીં?


જવાબ:
અતુલભાઇ તમારા પિતા પાસેથી કોઇ મિલક્ત મળે ત્યારે તેના પર કોઇ ટેક્સ નથી. તમે જ્યાં સુધી એ મિલકત ધારણ કરવાનું ચાલુ રાખો ત્યાં સુધી કોઇ ટેક્સ નથી પરંતુ જ્યારે આવી મિલક્તનું વેચાણ કરો ત્યારે તેના ઉપર ટેક્સ લાગે છે. આવકવેરા કાયદાની કલમ 49 હેઠળ એવી સ્પષ્ટતાં કરવામાં આવી છે કે તમને વારસા કે બક્ષિસમાં મિલકત મળી હોય તો વારસા કે બક્ષિસમાં મળેલી મિલકતના પહેલાંના માલિકે જે કિંમતે ખરીદી છે તે જ સ્વીકારનારની ધારણ કિંમત ગણાશે. તમને જ્યારે મિલકત મળી છે ત્યારે ધારણ કિંમત મૂળ માલિકની ગણાય છે તે જ પ્રકારે વારસા કે બક્ષિસમાં મળી હોય તે પહેલાંના માલિકની ધારણ સમય અનુસારનો જ ગણાશે.


સવાલ:
મારા પિતા પાસેથી ભેટ સ્વરૂપે મને શેર્સ મળ્યા છે જેમાં મારા પિતાએ એસટીટી ભરેલ છે તો તેના ઉપર મને કેપિટલ ટેક્સ લાગશે કે નહીં?


જવાબ:
સેક્શન 10(38)ના નવા નોટિફિકેશનની જે ચર્ચામાં કહ્યું તેમ વારસાઇમાં મળેલા શેર્સ પર લાંબા ગાળાના મૂડીનફો કરમુક્ત રહેશે. જો આવા શેર્સમાં કોઇ મિસચીફ હશે તો તેનો લાભ નહીં મળી શકે છે.


સવાલ:
મારી રહેણાંક મિલક્ત વેચીને મારી પુત્રી અને જમાઇ સાથે જોઇન્ટમાં પ્રોપર્ટી ખરીદી કરવી છે તો તેના ઉપર કરપાત્રતા શું રહેશે અને મારી દિકરી અને જમાઇ એ જ મિલકત ઉપર લોન લેવા માંગે છે તો મને કેપિટલ ગેઇન ટેક્સમાંથી છૂટ મળી શકે?


જવાબ:
સેક્શન 54 હેઠળ જૂની મિલકત વેચીને તેનો નફો તમે નવી રહેણાંક મિલકતમાં રોકાણ કરો છો તો તેના ઉપર કોઇ કરપાત્રતા રહેશે નહીં. ધારો કે આપની જૂની મિલકતનો મૂડી નફો 50 લાખ રૂપિયા છે અને નવું જે રહેણાંક મકાન ખરીદી રહ્યા છો તેની કિંમત 1 કરોડ રૂપિયા છે. તો આમાં આપ આપના 50 લાખ રૂપિયાનું રોકાણ કરો અને આપના પુત્રી અને જમાઇ અન્ય 50 લાખ રૂપિયાની લોન લઇ શકે છે. આ પ્રકારે આપને કોઇ કરપાત્રતા નહીં.