ટેક્સ પ્લાનિંગ: મૂકેશ પટેલ સાથે કરવેરા આયોજન

ના રોજ પ્રકાશિત Fri, 12, 2019 પર 17:15  |  સ્ત્રોત : CNBC-Bajar

નવું નાણાંકિય વર્ષ શરૂ થઈ ગયું છે અને બધા નવા કરવેરા આયોજનમાં લાગ્યા હશે તો તમારે ખાસ શું ધ્યાનમાં રાખવું જોઈએ તેના પર ચર્ચા કરીશું અને તેના માટે હું સ્વાગત કરવા માગીશ આપણા કરવેરા નિષ્ણાંત મૂકેશભાઈ પટેલનું. સર સ્વાગત છે આપનું આજના એપિસોડમાં.


આધાર અને પાન કનેક્ટ કરવાની, પણ ઘણા દર્શકો જેઓ NRI છે અથવા જેમના પરિવાર કે મિત્રજનો વિદેશમાં વસવાટ કરે છે તેમનો પ્રશ્ન છે કે શું તેમને પણ આધાર કાર્ડ રાખવું અનિવાર્ય છે?


NRI માટે આધારકાર્ડ જરૂરી?


કોઈપણ ભારતીય નાગરિક અને ભારતના રહિશ હોય તેમણે આધારકાર્ડ રાખવું અનિવાર્ય છે. NRI હો તો આધારકાર્ડ ન હોય તો પણ ચાલે છે. NRI માટે આધારકાર્ડ ફરજીયાત નથી. જ્યારે NRI રિટર્ન ભરે છે તો તેવા કેસમાં તમે NRI મેન્શન કરો તો આધારકાર્ડ જરૂરી ગણાતું નથી. દરેક ભારતના રેસિડેન્ટ માટે આધારકાર્ડ જરૂરી છે.


નવા નાણાંકિય વર્ષ શરૂ થઈ ગયું છે તો પ્રારંભેથી જ કંઈ ખાસ વાતો દર્શકોએ ધ્યાનમાં રાખવી જોઈએ.


નવા નાણાંકિય વર્ષમાં ખાસ ધ્યાનમાં રાખો


સંયુક્ત કુટુંબમાં આવકવેરાના એક કરતા વધારે રિટર્ન ભરાતા હોય છે. આ અલગ-અલગ રિટર્નના કેસમાં છે. કલમ 80C માં રૂપિયા 1.5 લાખની મર્યાદા છે, તો તેની અંદર તમે કેવી રીતે આયોજન કરી શકો તે અંગેનું આયોજન વર્ષની શરૂઆતથી જ કરવું જોઈએ. પરિવારના દરેક લોકોની આવક તેમજ રિટર્નની ડિટેઈલ સાથે કેટલા સ્થાન પર રોકાણ કરી ડિડક્શન મેળવી શકો તે અંગે આયોજન કરવું જરૂરી છે.


વિમાના પ્રિમીયમની કપાત અંગેનું આયોજન કેવી રીતે કરશો તે અંગે આયોજન અત્યારથી કરો છો. ટ્યુશન ફિનો સમાવેશ તમે કેવી રીતે અને કોના કેસમાં ભરશો તે અંગે આયોજન કરી શકો છો. હાઉસિંગ લોન અંગેનું આયોજન અગાઉથી કરવું જોઈએ. HUFના રોકાણના સંદર્ભમાં તમને કેવી રીતે કપાતનો લાભ મળી શકે તે અંગે આયોજન કરવું જરૂરી છે.


સેવિંગ એકાઉન્ટમાં જો બેલેન્સ હોય તેનું રોકાણ સમયસર કરી વ્યાજનો લાભ લેવાનું શરૂ કરવું જોઈએ. માતા-પિતાના પ્રિમીયમની ચૂકવણીનો લાભ લઈ શકાય છે. રૂપિયા 5000 સુધીના પ્રિવેન્ટિવ હેલ્થ ચેકઅપનો લાભ પણ લઈ શકાય છે.


સર આજકાલ એક સામાન્ય વાત અકસ્માત થવું થઈ ગઈ છે, તો આવા કેસમાં એક્સિડેન્ટ કંપન્શેશન જેને અકસ્માત વળતર કહેવામાં આવે છે તો તેને કેવી રીતે ગણવામાં આવે છે, શું તે કરપાત્ર છે?


અકસ્માત વળતરની કરપાત્રતા


કસ્માત વળતર કરપાત્ર નથી. અકસ્માતમાં જે વળતર મળે છે તેના પર રકમ કોઈપણ હોય તમારે કર ભરવાનો રહેતો નથી.


પરંતુ ઘણી વખત અકસ્માત વળતર પર વ્યાજ ચૂકવવામાં આવે છે તો વ્યાજની કરપાત્રતાનું શું?


અકસ્માત વળતરના વ્યાજની કરપાત્રતા


અકસ્માતના વળતર પર જે વ્યાજ મળે તે કરપાત્ર છે. જ્યારે ટ્રાઈબ્યુનલ દ્વારા વ્યાજનો ક્લેમ આપવામાં આવે છે ત્યારે તેના પર TDS કપાવાની જોગવાઈ છે.


સવાલ-


4 મહિના પહેલા એક્સિડન્ટ થયો હતો જેમા રૂપિયા 1.5 લાખ અમાઉન્ટ મળી હતી, તો તેનું આયોજન કેવી રીતે કરી શકાય? અને હોમલોનના રિપેમેન્ટ કરવામાં આવે તો તેમાં આયોજન કેવી રીતે કરી શકાય?


જવાબ-


તમને જે રકમ મળી છે તેને EI કોલમમાં લખી દર્શાવી શકો છો, જેના પર તમને તમને કોઈ ટેક્સ ભરવાનો રહેશે નહિં. તમે ઈન્સ્ટોલમેન્ટના પ્રિપેમેન્ટમાં વ્યાજ કલમ 24 હેઠળ બાદ લઈ શકો છો. હપ્તાની રકમ 80Cમાં બચેલી રકમ પ્રમાણે રૂપિયા 1.5 લાખની મર્યાદામાં બાદ લઈ શકો છો. હપ્તાની ચૂકવણી કોઈ નાણાંકિય સંસ્થા પાસેથી લોન લીધી હોય તો જ બાદ મળે છે.


સવાલ-


હું નિવૃત્ત શિક્ષિકા છું, મને સિનિયર સિટીઝન સેવિંગ સ્કીમ વિશે માહિતી જોઈએ છે.


જવાબ-


આવકવેરાના કાયદાની કલમ 80C હેઠળ રૂપિયા 1.5 લાખ સુધીનું રોકાણ બાદ મળી શકે છે. તમે જે બ્રેકેટમાં આવતા હો તે રીતે તમે આયોજન કરી શકો છો. તમે જે રોકાણ કરો છો તેમા 80C સિવાય આકારણી વર્ષ 2019-20 માં કલમ 80TTB નો પણ લાભ લઈ શકશો. સિનિયર સિટીઝન સેવિંગ સ્કીમમાં લગભગ 9 ટકા જેટલું વ્યાજ મળી શકે છે.


સવાલ-


સિનિયર સિટીઝન સેવિંગ સ્કીમમાં એક કરતા વધારે વખત રોકાણ કરી શકાય?


જવાબ-


15 લાખ કરતા વધારે રકમનું રોકાણ તમે ન કરી શકો કારણ SCSSમાં રોકાણની મહત્તમ રકમ મર્યાદા 15 લાખ છે. તમે દર વર્ષે 1.5 લાખનું રોકાણ કરી શકો છો. તમે છઠ્ઠા વર્ષથી તે પાકેલી રકમનું ફરી રોકાણ કરી શકો છો.


સવાલ-


2015માં GEBમાંથી નિવૃત્ત થયો ત્યારે મારી જમા 300 ELની સામે મળવા પાત્ર રકમ પર TDS કપાયો હતો તો શું એ નિયમસર છે? મને રીફંડ મળી શકે?


જવાબ-


તમને મળેલા રૂપિયા 7 લાખ 75 હજાર પર ટીડીએસ કપાયો છે તે યોગ્ય છે. તમે રૂપિયા 3 લાખ કરમુક્ત લઈ શકો છો. બચેલા રૂપિયા 4 લાખ 75 હજાર કરપાત્ર છે. તમે 3 મહિનાની EL અને ટોટલ રકમમાં જે ઓછી રકમ હોય તે કરમુક્તિ માંગી શકો છો.