કોમોડિટી બજાર: સોના-ચાંદીમાં ઘટાડા સાથે કારોબાર, ક્રૂડમાં મજબૂતી સાથે કારોબાર

એમસીએક્સ પર સોનાએ આજે નવા રેકોર્ડ સ્તર બનાવ્યા છે. સોનામાં સ્થાનિક બજારમાં આજે ખરીદી જોવા મળી છે. આ સાથે જ કોમેક્સ પર સોનામાં ઉપલા સ્તરેથી ઘટાડો જોવા મળ્યો છે. પરંતુ એમસીએક્સ પર લીલા નિશાનમાં કારોબાર છે. આજે સોનાએ 56562ના ઉચ્ચત્તમ સ્તર બનાવ્યા છે.

ચાંદીમાં પણ આજે ઉછાળો છે. એમસીએક્સ પર અડધા ટકાનો ઉછાળો આજે ચાંદીમાં જોવા મળ્યો છે. ડોલર ઈન્ડેક્સના ઘટાડાનો ફાયદો જોવા મળ્યો હતો.

ગયા સપ્તાહે 8 ટકાના ઉછાળો આવ્યો બાદ આજે ક્રૂડમાં સવારે નફાવસૂલી જોવા મળી હતી. ક્રૂડના ભાવ હજુ પણ 85 ડોલરને પાર છે. ચીનમાં માગ વધવાને કારણે આ ઉછાળો આવ્યો છે. જોકે હવે બજારની નજર ફેબ્રુઆરીમાં મળનારી OPECની બેઠક છે જેના પર માર્કેટની સ્થિતિ અંગે ચર્ચા થવાની છે.

નેચરલ ગેસમાં આજે સામાન્ય તેજી છે. આજે અહી દિવસના ઉચ્ચત્તમ સ્તરેથી ઘટાડો આવ્યો છે.

આજે મસાલા પેકમાં મિશ્ર કારોબાર છે. ધાણામાં સારા પાકની આશાએ જે ઘટાડો ચાલતો હોત તે આજે પણ યથાવત્ છે અને જીરામાં નફાવસૂલી જોવા મળી છે. જીરામાં આજે 3 ટકાથી વધુનો ઘટાડો છે. ધાણામાં એપ્રિલ કોન્ટ્રાક્ટમાં સામાન્ય ઘટાડો છે. એરંડામાં પણ આજે દબાણ છે. હળદરમાં આજે સારી માગની આશાએ તેજી છે. મસાલા ઉત્પાદકો પાસેથી સારી માગ આવતા આજે સામાન્ય ઉછાળો છે. કોટન એસોસિએશન ઓફ ઈન્ડિયાએ કોટનના ઉત્પાદનનું અનુમાન ઘટાડતા આજે કપાસિયા ખોળમાં તેજી જોવા મળી રહી છે.