કોમોડિટી બજાર: સોના-ચાંદીમાં મજબૂતી સાથે કારોબાર, ક્રૂડમાં તેજી સાથે કારોબાર

2023માં સોના-ચાંદીની ચમક વધી ગઈ છે, એમસીએક્સ પર સોનું 30 મહિનાની ઉંચાઈ પર પહોંચી ગયું છે, ઓઈલ ટાઈમ હાઈથી સોનું લગભગ 400 રૂપિયા જ નીચે છે, હાલના સ્તરની વાત કરીએ તો હાલ સ્થાનિક બજારમાં અડધા ટકાની તેજી છે, જ્યારે વૈશ્વિક બજારમાં 1833 ડૉલરના સ્તરની ઉપર કારોબાર થઈ રહ્યો છે.

નબળા ડૉલરની અસર ચાંદી પર પણ જોવા મળતા વૈશ્વિક બજારમાં ચાંદી લગભગ સવા 1 ટકાની તેજી સાથે 24 ડૉલરની ઉપર પહોંચી, તો સ્થાનિક બજારમાં 70 હજાર 700ના સ્તરની ઉપર કારોબાર જોવા મળી રહ્યો છે.

ગઈકાલની તેજી બાદ ક્રૂડમાં ફરી ઉપલા સ્તરેથી દબાણ બન્યું, જ્યાં બ્રેન્ટમાં 85 ડૉલરની નીચે કારોબાર રહ્યો, તો NYMEX ક્રૂડમાં એક ટકાના દબાણ સાથે 80 ડૉલરની નીચે કિંમતો પહોંચતી જોવા મળી, તો સ્થાનિક બજારમાં પણ નેગેટિવ કારોબાર દેખાઈ રહ્યો છે.

નેચરલ ગેસમાં દબાણ આગળ વધતા સ્થાનિક બજારમાં સવા આઠ ટકાનો મોટો ઘટાડો જોવા મળ્યો, 400ના મહત્વના સ્તરની નીચે કિંમતો પહોંચી, તો રાતોરાત US નેચરલ ગેસમાં પણ મોટો ઘટાડો જોવા મળ્યો, અહીં નબળી ઇન્ડસ્ટ્રીયલ માંગના અનુમાને કિંમતો પર દબાણ જોવા મળી રહ્યું છે.

જીરામાં આજે પણ જંગી તેજી યથાવત્ છે. જીરાના ભાવ 34 હજારને પાર પહોંચતા પણ જોવા મળ્યા છે. જીરામાં આવતી સતત તેજીને પગલા NCDEX દ્વારા આજથી 23 જાન્યુઆરી સુધી જીરા પર વધારાના અઢી ટકા જેટલા માર્જિન નાખ્યા છે. પરંતુ બીજી તરફ હળદર અને ધાણાંમાં આજે ઘટાડો છે. હળદરમાં આશરે 4 ટકા સુધીનું દબાણ રહ્યું, કપાસિયા ખોળમાં શરૂઆતી તેજી વધતા 2 ટકાથી વધારેની મજબૂતી જોવા મળી. તો ગુવાર પેકમાં ફ્લેટ કારોબાર છે. તો આંતરરાષ્ટ્રીય બજારમાં ક્રૂડ પામ તેલમાં આવેલા ઘટાડાને પગલે આજે મેન્થા તેલમાં પણ ઘટાડો જોવા મળ્યો હતો. તો એરંડામાં આજે પોણા ટકાના ઘટાડા સાથેનો કારોબાર જોવા મળ્યો છે.