કોમોડિટી બજાર: સોના-ચાંદીમાં મજબૂતી સાથે કારોબાર, ક્રૂડમાં નીચલા સ્તરેથી સુધારો નોંધાયો

યૂએસના અનુમાન કરતા નબળા નોન ફાર્મ પેરોલનાં આંકડાઓના કારણે કોમેક્સ પર સોનામાં સ્થિર કારોબાર રહ્યો, જ્યાં ભાવ 2000 ડૉલરના સ્તરની પાસે સ્થિર રહ્યા, તો સ્થાનિક બજારમાં 60,877ના સ્તરની આસપાસ કારોબાર જોવા મળી રહ્યો છે. ઉલ્લેખનિય છે કે ઓક્ટોબરમાં સોનાને સેફ હેવન બાઈંગનો સપોર્ટ મળતા કિંમતો આશરે 7 ટકા વધતી દેખાઈ, આ સાથે જ સપ્ટેમ્બરમાં RBIનું ગોલ્ડ હોલ્ડિંગ 7.1 ટનથી વધીને 806.7 ટન રહ્યું છે.

ચાંદીમાં પણ રેન્જબાઉન્ડ કારોબાર રહ્યો, જ્યાં વૈશ્વિક બજારમાં ભાવ 23 ડૉલરની પાસે યથાવત્ છે, તો સ્થાનિક બજારમાં મામુલી નરમાશ જોવા મળી રહી છે.

સ્થાનિક બજારમાં નેચરલ ગેસમાં દબાણ સાથેનો કારોબાર યથાવત્ જોવા મળી રહ્યો છે. નેચરલ ગેસની કિંમતો ત્રણ ટકાના દબાણ સાથે 283 પર પહોંચતી જોવા મળી.

બેઝ મેટલ્સમાં મિશ્ર કારોબાર રહ્યો, જ્યાં LME પર કોપરની કિંમતોમાં રિકવરી રહી, વાસ્તવમાં અનુમાન કરતા નબળા US નોન ફાર્મ પેરોલનાં આંકડાઓના કારણે હવે અમેરિકામાં વ્યાજ દર ન વધવાની આશા બની રહી છે, જેને કારણે કોપરની કિંમતોને સપોર્ટ મળી રહ્યો છે. સ્થાનિક બજારમાં તમામ મેટલ્સમાં તેજી જોવા મળી હતી. હવે બજારની નજર ખાસ મંગળવારે આવનાર ચાઈનાના ટ્રેડ ડેટા અને ગુરૂવારે આવનાર મોંઘવારના આંકડાઓ પર બનેલી છે.

મસાલા પેકમાં એક્શન જોવા મળી રહ્યું છે. જીરામાં સૌથી વધુ છ ટકાની તેજી સાથેનો કારોબાર જોવા મળી રહ્યું છે. તો ધાણા અને હળદરમાં પા ટકાની તેજી જોવા મળી રહ્યું છે. ગુવાર પેકનો પણ લીલા નિશાનમાં કારોબાર જોવા મળી રહ્યો છે. ગુવાર ગમમાં એક ટકા તો ગુવાર સીડમાં અડધા ટકાની તેજી જોવા મળી રહી છે.