કમોડિટી લાઇવ: ક્રૂડની ત્રીજા સપ્તાહે પણ નબળી શરૂઆત, સોના-ચાંદીમાં નરમાશનો ટ્રેન્ડ

US અને ચાઈના તરફથી નબળી માગની આશંકાએ ક્રૂડમાં સતત ત્રીજૂ સપ્તાહ નરમાશ સાથે શરૂ થયું, જ્યાં શુક્રવારની તેજી ધોવાતા બ્રેન્ટના ભાવ 81 ડૉલરની નીચે પહોંચ્યા, તો NYMEX ક્રૂડમાં અડધા ટકાથી વધુનો ઘટાડો જોવા મળ્યો, સ્થાનિક બજારમાં પણ દબાણ બની રહ્યું છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતોમાં 1 ટકાથી વધુની તેજી સાથે 258ના સ્તરની આસપાસ કારોબાર જોવા મળી રહ્યો છે.

સોનાને પગલે ચાંદીમાં પણ દબાણ યથાવત્ છે, અહીં વૈશ્વિક બજારમાં કિંમતો 22 ડૉલરની પણ નીચે આવતી દેખાઈ, તો સ્થાનિક બજારમાં પણ આશરે અડધા ટકાનો ઘટાડો જોવા મળી રહ્યો છે.

બેઝ મેટલ્સમાં દબાણ યથાવત્ છે, જ્યાં સ્થાનિક બજારમાં શરૂઆતી કારોબારમાં કોપર સહિત તમામ મેટલ્સમાં ફ્લેટ ટૂ નેગેટીવ કામકાજ જોવા મળી રહ્યું છે.

એગ્રીમા આજે કોટન પર નજર કરીએ તો, શરૂઆતી કારોબારમાં ગુવાર પેકમાં પા ટકાથી વધુની મજબૂતી રહી, તો મસાલા પેકમાં જીરા અને હળદરમાં નરમાશ છે, પણ ધાણામાં પોઝિટીવિટી જોવા મળી, જોકે કપાસિયા ખોળમાં પા ટકાથી વધુની નરમાશ સાથેનો કારોબાર નોધાયો છે.