કોમોડિટી લાઇવ: ક્રૂડમાં રિકવરી, બ્રેન્ટ $85ની પાસે, સોના-ચાંદીમાં રેન્જબાઉન્ડ કારોબાર

ફેડ તરફથી વ્યાજ દર ન વધવાની આશંકા અને સાઉદી અને રશિયા દ્વારા ઉત્પાદન કાપના નિર્ણય પર યથાવત્ રહેવાના સમાચાર બાદ ક્રૂડમાં નીચલા સ્તરેથી સુધારો નોંધાયો, જ્યાં બ્રેન્ટના ભાવ 85 ડૉલરની ઉપર પહોંચ્યા, nymex ક્રૂડમાં પણ આશરે અડધા ટકાથી વધુની તેજી સાથે 81 ડૉલરની પાસે કારોબાર નોંધાયો, ઉલ્લેખનિય છે કે ગત સપ્તાહે ક્રૂડની કિંમતોમાં 6%નો ઘટાડો જોવા મળ્યો હતો.

સ્થાનિક બજારમાં નેચરલ ગેસમાં શરૂઆતી કારોબારમાં દબાણ જોવા મળ્યું, શુક્રવારના 292ના સ્તર સામે નવેમ્બર વાયદો 287.10 રૂપિયા પ્રતિ mmBtu પર ખૂલતો દેખાયો હતો.

ચાંદીમાં પણ રેન્જબાઉન્ડ કારોબાર રહ્યો, જ્યાં વૈશ્વિક બજારમાં ભાવ 23 ડૉલરની પાસે યથાવત્ છે, તો સ્થાનિક બજારમાં મામુલી નરમાશ જોવા મળી રહી છે.

બેઝ મેટલ્સમાં મિશ્ર કારોબાર રહ્યો, જ્યાં LME પર કોપરની કિંમતોમાં રિકવરી રહી, વાસ્તવમાં અનુમાન કરતા નબળા US નોન ફાર્મ પેરોલનાં આંકડાઓના કારણે હવે અમેરિકામાં વ્યાજ દર ન વધવાની આશા બની રહી છે, જેને કારણે કોપરની કિંમતોને સપોર્ટ મળી રહ્યો છે..સ્થાનિક બજારમાં પણ શરૂઆતી કારોબારમાં કોપર અને ઝિંકની કિંમતોમાં મામુલી તેજી જોવા મળી હતી. હવે બજારની નજર ખાસ મંગળવારે આવનાર ચાઈનાના ટ્રેડ ડેટા અને ગુરૂવારે આવનાર મોંઘવારના આંકડાઓ પર બનેલી છે.

એગ્રી કૉમોડિટીના કારોબાર પર નજર કરીએ તો, મસાલા પેકમાં જીરા અને હળદરમાં પોઝિટીવિટી જોવા મળી, પણ ધાણામાં નરમાશ યથાવત્ છે, જ્યારે ગુવાર પેકમાં અડધા ટકાથી વધુની નરમાશ જોવા મળી, સાથે જ કપાસિયા ખોળમાં પણ એક ટકાથી વધુનો ઘટાડો દેખાઈ રહ્યો છે.