કોમોડિટી બજાર: સોના-ચાંદીમાં મજબૂતી સાથે કારોબાર, ક્રૂડમાં મજબૂતી સાથે કારોબાર

હવે નજર કરીએ સોના પર તો મુખ્ય કરન્સીની સામે US ડૉલરમાં ઘટાડાના કારણે એશિયન ટ્રેડમાં આજે COMEX પર સોનામાં તેજી જોવા મળી રહી છે. જ્યાં કારોબાર અડધા ટકાની તેજી સાથે 2000ની ઉપરના સ્તરનો કારોબાર જોવા મળ્યો. તો સ્થાનિક બજારમાં પણ ભાવમાં પા ટકાની તેજી જોવા મળી રહી છે. ઉલ્લેખનિય છે કે ગયા સપ્તાહમાં આવેલા USના આર્થિક ડેટામાં રિટેલ વેચાણમાં અનુમાન કરતા વધારે ઘટતા દેખાયા છે.

તો ચાંદીમાં મિશ્ર કારોબાર જોવા મળી રહ્યો છે. જ્યાં સ્થાનિક બજાર પર નજર કરીએ તો મામુલી તેજી સાથેનો કારોબાર જોવા મળ્યો. તો કોમેક્સ પર મામુલી દબાણ સાથેનો કારોબાર જોવા મળ્યો છે.

નેચરલ ગેસમાં શરૂઆતી કારોબારમાં વેચવાલીનો માહોલ જોવા મળ્યો. જ્યાં નેચરલ ગેસમાં લગભગ અડધા ટકાની આસપાસના દબાણ સાથે 187ના સ્તર પર જોવા મળ્યું.

નજર કરીએ મેટલ્સના કારોબાર તો ચીનના GDP ડેટા અનુમાન કરતા મજબૂત આવવાના કારણે LME પર તમામ બેઝ મેટલ્સના ફ્યુચર્સ કોન્ટ્રાક્ટ્સ એશિયન ટ્રેડમાં આજે વધતા દેખાયા છે. તો સ્થાનિક બજારમાં પણ તમામ મેટલ્સમાં પોઝિટીવ કારોબાર જોવા મળી રહ્યો છે. ઉલ્લેખનિય છે કે ચીનના GDPના ડેટા વિશ્વના સૌથી મોટા ગ્રાહકો પાસેથી માંગમાં સારો ગ્રોથ સૂચવી રહ્યાં છે.

એગ્રી કૉમોડિટીની વાત કરીએ તો, માસાલા પેકમાં મિશ્ર કારોબાર જોવા મળી રહ્યો છે. જ્યાં જીરૂ પા ટકાની તેજી સાથે કારોબાર કરી રહ્યું છે. તો ધાણામાં મામૂલી ખરીદીનો માહોલ જોવા મળી રહ્યો છે. તો હળદરમાં અડઘા ટકાનું દબાણ જોવા મળી રહ્યું છે. તો ગુવાર પેકમાં વેચવાલી તરફી કારોબાર જોવા મળી રહ્યો છે. ગુવાર ગમમાં મામૂલી દબાણ તો ગુવાર સીડમાં પા ટકાનું દબાણ જોવા મળી રહ્યું છે. તો કપાસીયા ખોળમાં મામૂલ તેજી તરફી માહોલ જોવા મળ્યો.