અદાણી ગ્રૂપને લઇ અગ્રણી બેન્કોએ બોલાવી બેઠક, બોન્ડ ઇન્વેસ્ટર્સ સાથે થશે ચર્ચા

Adani Group Stocks: અમેરિકન શોર્ટ સેલર હિંડનબર્ગ રિસર્ચના રિપોર્ટ બાદથી અદાણી ગ્રૂપના સ્ટોક્સ વેચવાલીનું દબાણ હેઠળ છે. આ સમગ્ર પરિસ્થિતિ અંગે અદાણી ગ્રુપ 16મી ફેબ્રુઆરી અને 21મી ફેબ્રુઆરીએ બોન્ડ ઇન્વેસ્ટર્સને અપડેટ આપશે. ઇન્વેસ્ટર્સને મોકલવામાં આવેલા ડોક્યુમેન્ટ્સ અનુસાર, ગ્રુપ ચીફ ફાઇનાન્સિયલ ઓફિસર (CFO) જુગશિન્દર સિંઘ અને ગ્રુપ કોર્પોરેટ ફાઇનાન્સ હેડ અનુપમ મિશ્રા કોલ પર હાજર રહેશે. અદાણી ગ્રીન એનર્જીનો કોલ આજે છે, તેમાં સીએફઓ પુંતસોક વાંગ્યાલ હાજરી આપશે. આવતા અઠવાડિયે અદાણી ટ્રાન્સમિશનના સીએફઓ રોહિત સોની અને અદાણી ઇલેક્ટ્રિસિટીના સીએફઓ કિંજલ મહેતા પણ કૉલમાં જોડાશે.

અદાણી ગ્રૂપના બોન્ડ ઇન્વેસ્ટર્સને કોને બોલાવ્યા?
બાર્કલેઝ, બીએનપી પરિબાસ, ડીબીએસ બેંક, ડોઇશ બેંક, અમીરાત એનબીડી કેપિટલ, આઈએનજી, એમયુએફજી, મિઝુહો, એસએમબીસી નિક્કો અને સ્ટાન્ડર્ડ ચાર્ટર્ડે અદાણી ગ્રુપના વર્તમાન સ્ટેટસ અપડેટ માટે કોલ હાથ ધર્યો છે. આમાં, આ બેન્કો ઇન્વેસ્ટર્સ સાથે વાતચીત કરશે અને અદાણી જૂથને લગતા તમામ પ્રશ્નોના જવાબ આપી શકશે.

આ પણ વાંચો - SBIએ કસ્ટમર્સને આપી વધુ એક ભેટ, હવે RD પર વધાર્યું વ્યાજ