JSPL સ્ટીલ એક્સચેન્જ ઇન્ડિયામાં મોટો હિસ્સો ખરીદી શકે છે, ડીલ પર થઇ રહી છે ચર્ચા

JSPL: જિંદાલ સ્ટીલ એન્ડ પાવર સ્ટીલ એક્સચેન્જ ઇન્ડિયામાં હિસ્સો ખરીદવા માટે વાતચીત કરી રહી છે. સૂત્રોના જણાવ્યા અનુસાર સ્ટીલ એક્સચેન્જ ઈન્ડિયા વધારાની ઈક્વિટી માટે વ્યૂહાત્મક રોકાણકારની શોધમાં છે. જો કે, વાટાઘાટો પ્રારંભિક તબક્કામાં હોવાથી, સોદાનું કદ જાહેર કરવામાં આવ્યું નથી. સ્ટીલ એક્સચેન્જનો સ્ક્રીપ ઇન્ટ્રાડેમાં લગભગ 4 ટકા વધીને 24 જાન્યુઆરી, મંગળવારે BSE પર રૂ. 15.65 પર ટ્રેડ થયો હતો. જોકે, સવારે 11.05 વાગ્યે શેર 2.33 ટકા વધીને રૂ. 15.40 પર હતો.

સ્ટીલ એક્સચેન્જ ઇન્ડિયાનો સ્ટોક 5 દિવસમાં લગભગ 7% અને એક મહિનામાં 17% વધ્યો છે. જોકે, છેલ્લા છ મહિનામાં સ્ટોકમાં 26 ટકા અને એક વર્ષમાં 27 ટકાનો ઘટાડો થયો છે.

કંપની શોધી રહી છે રોકાણકારો
કંપનીએ મનીકંટ્રોલને પુષ્ટિ આપી કે તે રોકાણકારોની શોધમાં છે અને JSPL સહિતની ઘણી કંપનીઓએ રસ દર્શાવ્યો છે. એકવાર ડીલ ફાઈનલ થઈ જાય પછી સ્ટીલ કંપની સ્ટોક એક્સચેન્જને સૂચિત કરશે. કંપનીના પ્રવક્તાએ જણાવ્યું હતું કે JSPL વ્યૂહાત્મક તકોનું મૂલ્યાંકન કરવાનું ચાલુ રાખે છે.

JSPL 2030 સુધીમાં તેની ક્ષમતા પાંચ ગણી વધારીને 50 મિલિયન ટન કરવાની યોજના ધરાવે છે. કંપની વિસ્તરણની તકો શોધી રહી છે અને વ્યૂહાત્મક રીતે અનુકૂળ કંપનીઓને હસ્તગત કરવા માટે ખુલ્લી રહે છે.

SEIL ની ક્રૂડ સ્ટીલ ઉત્પાદન ક્ષમતા વાર્ષિક આશરે 3 મિલિયન ટન છે, જે વધારીને 10 મિલિયન ટન કરવાની યોજના છે. કંપનીના એક અધિકારીએ જણાવ્યું હતું કે આનાથી તેનું EBITDA હાલના રૂ. 120 કરોડથી આશરે રૂ. 500-600 કરોડ થઈ જશે.

આ પણ વાંચો - HDFC Bank Share Price: Q3 પરિણામો પછી તેજી, આ ઊંચાઇ સુધી જશે સ્ટોક