યસ બેંકે તેની કોર બેંકિંગ સિસ્ટમમાં “MARS” નામે એડ કરી નવી ટેક્નોલોજી, જાણો તેનાથી શું થશે ફાયદા

યસ બેન્કે તેની રિસ્ક મેનેજમેન્ટ ટેક્નોલોજીને મજબૂત કરવા બ્લૂમબર્ગની મલ્ટી-એસેટ રિસ્ક સિસ્ટમ (MARS) અપનાવવાનું નક્કી કર્યું છે. આ સિસ્ટમ યસ બેંકને લંડન ઇન્ટર-બેંક ઑફર્ડ રેટ (LIBOR) થી રિસ્ક-ફ્રી રેટ્સ (RFR)માં ખસેડવામાં પણ મદદ કરશે. યસ બેંકે તેની કોર ટેકનોલોજી સિસ્ટમને બ્લૂમબર્ગની MARS ફ્રન્ટ ઓફિસ અને MARS વેલ્યુએશન સિસ્ટમ સાથે સંકલિત કરી છે.

MARS ફ્રન્ટ ઓફિસ સોલ્યુશન યસ બેંકને RFR સૂચકાંકો માટે દૈનિક બિન-સંચિત કમ્પાઉન્ડ રેટ (NCCR) પ્રોવાઇડ કરશે, જે બેંકને તેની દૈનિક વ્યાજની ગણતરીમાં મદદ કરશે. સોલ્યુશન વધારાના એનાલિટિક્સ પણ પ્રોવાઇડ કરશે જે કસ્ટમર્સને LIBOR સિક્યોરિટીઝ અને RFR સિક્યોરિટીઝ વચ્ચે આસાનીથી નેવિગેટ કરવામાં મદદ કરશે.

આ ઉપરાંત બ્લૂમબર્ગ તરફથી MARS વેલ્યુએશન અને જોખમની ગણતરીઓ યસ બેંકને API દ્વારા પહોંચાડવામાં આવશે. આ રોકડ અને ડેરિવેટિવ સિક્યોરિટીઝ બંને માટે હશે. MARS API બેંકને વિવિધ પ્રકારની ગણતરીઓ કરવા અને વિવિધ પરિસ્થિતિઓમાં નફા અને નુકસાનના સમીકરણ અને પોર્ટફોલિયો પરના વિવિધ જોખમોની અસરને સમજવા માટે સક્ષમ બનાવશે. આનાથી બેંકને આરએફઆર સિસ્ટમને વહેલી અપનાવવામાં પણ મદદ મળશે.

મહેશ રામામૂર્તિ, મુખ્ય માહિતી અધિકારી, યસ બેન્કે જણાવ્યું હતું કે, “અમે ભારતમાં સૌથી ઝડપથી વિકસતી બેન્કોમાંની એક છીએ. આથી, અમારા માટે અગ્રણી નિયમનકારી અને અનુપાલન સાધનોનો લાભ લેવો મહત્વપૂર્ણ બની જાય છે. બ્લૂમબૂમના MARS સોલ્યુશન્સ અમારા કોરમાં એકીકૃત રીતે સંકલિત કરવામાં આવ્યા છે. 

દરમિયાન, YES બેંકનો શેર BSE પર શુક્રવાર, 17 ફેબ્રુઆરીએ 0.92 ટકા ઘટીને રૂ. 16.10 પર બંધ થયો હતો. છેલ્લા એક વર્ષમાં કંપનીના શેરમાં લગભગ 20.10%નો ઘટાડો થયો છે. જો કે છેલ્લા એક વર્ષમાં તેની કિંમત લગભગ 17.78% વધી છે.