કોમોડિટી બજાર: સોના-ચાંદીમાં દબાણ સાથે કારોબાર, ક્રૂડમાં દબાણ સાથે કારોબાર

સોનાની કિંમતો સતત છઠ્ઠા દિવસે ઘટતા ભાવ આશરે 7 મહિનાના નીચલા સ્તરની પાસે પહોંચતા દેખાયા, જ્યાં કોમેક્સ પર 1840 ડૉલરના સ્તરની પાસે કારોબાર નોંધાયો, તો સ્થાનિક બજારમાં પણ વેચવાલી દેખાઈ રહી છે. ઉલ્લેખનિય છે કે મજબૂત ડૉલર અને USમાં વ્યાજ દર વધવાની આશંકાએ કિંમતો તૂટતી દેખાઈ, આ સાથે જ ઓક્ટોબરમાં સોનાની કિંમતોમાં આશરે 1.25 ટકાનો ઘટાડો નોંધાઈ ચુક્યો છે.

સોનાને પગલે ચાંદીમાં પણ દબાણ આવતા વૈશ્વિક બજારમાં ભાવ 21 ડૉલરની આસપાસ પહોંચતા જોવા મળ્યા, તો સ્થાનિક બજારમાં 67,000ની આસપાસ કારોબાર જોવા મળી રહ્યો છે. બેઝ મેટલ્સ તરફથી પણ ચાંદીને સપોર્ટ ન મળતા કિંમતોમાં ઘટાડો વધ્યો.

સ્થાનિક બજારમાં નેચરલ ગેસમાં સાડા ટકા જેટલો ઘટાડો આવતા ભાવ 238ના સ્તરની આસપાસ પહોંચતા દેખાયા.

વધુ સપ્લાય અને મજબૂત ડૉલરના કારણે lme પર કોપરની કિંમતોમાં ઘટાડો નોંધાયો, આ સાથે જ જુલાઈથી સપ્ટેમ્બરના ક્વાર્ટરમાં lme પર કોપરની ઇન્વેન્ટરી 140 ટકાથી વધી છે, જેની અસર પણ કિંમતો પર જોવા મળી, તો બાકી મેટલ્સમાં સ્થાનિક બજારમાં પણ નાની રેન્જમાં કામકાજ જોવા મળી રહ્યું છે.

એગ્રી કોમોડિટીની વાત કરીએ તો, NCDEX પર સતત બીજા મહિને ગુવાર પેકમાં દબાણ જોવા મળ્યું. જ્યાં ગુવાર સીડમાં અઢી ટકાની તો ગુવાર ગમ પોણા બે ટકાનું દબાણ જોવા મળ્યું. તો બીજી બાજુ મસાલા પેકમાં પણ લાલ નિશાનમાં કારોબાર જોવા મળ્યું. જ્યાં જીરામાં સૌથી વધુ ચાર ટકા નજીકનું દબાણ જોવા મળ્યું. તો ધાણા અને હળદરમાં પા ટકાનું દબાણ જોવા મળ્યું. એરંડા અને કપાસિયા ખોળમાં પણ નેગેટિવ કારોબાર જોવા મળ્યું છે.