RRRએ દુનિયામાં ફરી લહેરાવ્યો પરચમ, વિદેશી ભાષાની કેટેગરીમાં જીત્યો શ્રેષ્ઠ એવોર્ડ

Critics Choice Awards 2023: ફિલ્મમેકર રાજામૌલીની ફિલ્મ RRR દુનિયાભરમાં ધૂમ મચાવી રહી છે. ગોલ્ડન ગ્લોબ એવોર્ડ જીત્યા પછી, રાજામૌલીની RRR એ શ્રેષ્ઠ વિદેશી ભાષાની ફિલ્મ માટે ક્રિટિક્સ ચોઇસ એવોર્ડ જીત્યો છે. લોસ એન્જલસમાં ફેરમોન્ટ સેન્ચ્યુરી પ્લાઝા ખાતે ક્રિટિક્સ ચોઈસ એવોર્ડનું આયોજન થયું છે. ક્રિટીક્સ ચોઈસ એવોર્ડના ઓફિશિયલ ટ્વિટર હેન્ડલ પરથી આ સારા સમાચારની જાણકારી આપવામાં આવી છે. ટ્વીટમાં લખ્યું છે કે RRR ફિલ્મના કલાકારો અને ક્રૂને ઘણી શુભેચ્છાઓ. આ ફિલ્મને શ્રેષ્ઠ વિદેશી ભાષાની ફિલ્મ માટે ક્રિટિક્સ ચોઈસ એવોર્ડ મળ્યો છે.

RRRએ આ ફિલ્મોને આપી માત
એસએસ રાજામૌલીની ફિલ્મ “RRR” આ શ્રેણીમાં “ઓલ ક્વાયટ ઓન ધ વેસ્ટર્ન ફ્રન્ટ”, “આર્જેન્ટિના 1985”, બાર્ડો”, “ફોલ્સ ક્રોનિકલ ઓફ અ હેન્ડફુલ ઓફ ટ્રુથ્સ”, “ક્લોઝ” અને “ડિસિઝન ટુ લીવ” સાથે કોમ્પિટિશન કરી છે. આ બધી ફિલ્મોને પછાડીને, ફિલ્મ RRR એ શ્રેષ્ઠ વિદેશી ભાષાની ફિલ્મ માટે ક્રિટિક્સ ચોઈસ એવોર્ડ જીત્યો.

નાટૂ- નાટૂ ગીત માટે મળ્યો છે એવોર્ડ
અગાઉ, રાજામૌલીની ફિલ્મ RRR એ લોસ એન્જલસમાં 80મા ગોલ્ડન ગ્લોબ એવોર્ડ્સમાં ઈતિહાસ રચ્યો હતો. ફિલ્મના ગીત “નાટૂ નાટૂ”ને બેસ્ટ ઓરિજિનલ સોંગનો એવોર્ડ મળ્યો હતો. જેના કારણે તેમના ચાહકોમાં ખુશીની લહેર દોડી ગઈ હતી. હવે RRR એ શ્રેષ્ઠ વિદેશી ભાષાની ફિલ્મ માટે ક્રિટિક્સ ચોઈસ એવોર્ડ જીત્યો છે. આ પ્રસંગે રાજામૌલીએ એક વીડિયો પણ શેર કર્યો છે. આ વીડિયોમાં તે હાથમાં ટ્રોફી લઈને ઉભો છે. તેના ચહેરા પર વિજયનો આનંદ સ્પષ્ટ દેખાય છે.

આ પણ વાંચો - વિશ્વની પ્રથમ નેસેલ ડ્રોપ વેક્સિન જાન્યુઆરીના અંત સુધીમાં થશે ઉપલબ્ધ, જાણો સંપૂર્ણ વિગતો