દિલ્હીથી દેહરાદૂન સુધીની સફર માત્ર 2 કલાકમાં, ડિસેમ્બર સુધીમાં એક્સપ્રેસ વે થઈ જશે તૈયાર

દિલ્હી-દહેરાદૂનનો પ્રવાસ સરળ બનશે. દિલ્હી-દહેરાદૂન એક્સપ્રેસ વે આ વર્ષે ડિસેમ્બર સુધીમાં તૈયાર થઈ જશે. રોડ ટ્રાન્સપોર્ટ અને હાઈવે મિનિસ્ટર નીતિન ગડકરીએ આ જાણકારી આપી છે. આ હાઈવેના નિર્માણ બાદ દિલ્હીથી દેહરાદૂન જવા માટે માત્ર 2 કલાકનો સમય લાગશે. કેન્દ્રમાં નરેન્દ્ર મોદીની સરકાર બન્યા બાદ ઈન્ફ્રાસ્ટ્રક્ચર પર ખાસ કરીને એક્સપ્રેસ વે પર ફોકસ વધ્યું છે. દિલ્હી-મુંબઈ એક્સપ્રેસ વેનું કામ પણ તેજ ગતિએ ચાલી રહ્યું છે. તેના પ્રથમ તબક્કાનું ઉદ્ઘાટન આ વર્ષે ફેબ્રુઆરીમાં કરવામાં આવ્યું છે. દિલ્હી-લાલસોટ (રાજસ્થાન)નો આ તબક્કો શરૂ થતાં, દિલ્હીથી જયપુરની મુસાફરી સરળ બની છે.

હવે મુસાફરીમાં 6 કલાકનો સમય લાગે છે

ગડકરી રવિવારે ઋષિકેશમાં પરમાર્થ નિકેતન આશ્રમ ગયા હતા. આ દરમિયાન તેમણે કહ્યું, "દિલ્હી-દહેરાદૂન એક્સપ્રેસવે પ્રોજેક્ટ આ વર્ષે ડિસેમ્બર સુધીમાં પૂર્ણ થઈ જશે. લોકો 1 જાન્યુઆરીથી તેના પર મુસાફરી કરવાનું શરૂ કરશે. દિલ્હીથી દેહરાદૂન પહોંચવામાં માત્ર બે કલાકનો સમય લાગશે." હવે દિલ્હીથી દેહરાદૂન જવા માટે લગભગ છ કલાકનો સમય લાગે છે. ગડકરી તેમના પરિવાર સાથે આશ્રમમાં ગંગા આરતીમાં હાજરી આપવા આવ્યા હતા.

ચારધામ યાત્રા વર્ષમાં ગમે ત્યારે થશે

આ પણ વાંચો - Conrad Sangma: કોનરાડ સંગમા બીજી વખત મેઘાલયના મુખ્યમંત્રી બન્યા, શપથ ગ્રહણમાં PM મોદી રહ્યાં હાજર