2020 માં દેશને મળ્યા 40 નવા અરબપતિ, મુકેશ અંબાણી અને ગૌતમ અદાણીની સંપત્તિમાં આટલો થયો વધારો

ના રોજ પ્રકાશિત Tue, 02, 2021 પર 16:08  |  સ્ત્રોત : Moneycontrol.com

કોરોના વાયરસ મહામારી હોવા છતાં વર્ષ 2020 માં દેશમાં અરબપતિઓ (billionaries)ની સંખ્યામાં ભારી વધારો થયો, ગયા વર્ષે દેશમાં 40 નવા અરબપતિ મળ્યા, જેનાથી દેશમાં કુલ અરબપતિઓની સંખ્યા વધીને 177 થઇ ગઇ છે. હુરૂન ગ્લોબલ રિચ લિસ્ટ (hurun Global Rich List)ના ડેટા મુજબ, મુકેશ અંબાણી (Mukesh ambani) દેશના સૌથી ધનિક વ્યક્તિ છે અને 2020માં તેમની સંપત્તિમાં 24 ટકાનો વધારો થયો છે. તેમની કુલ સંપત્તિ 15 જાન્યુઆરી, 2021 સુધી 83 અરબ ડૉલર એટલે લગભગ 6.10 લાખ કરોડ રૂપિયા છે. હુરૂનની લિસ્ટ મુજબ, રિલાયન્સ ઇન્ડસ્ટ્રીઝ (RIL)ના માલિક મુકેશ અંબાણી દુનિયાના 8 મા સૌથી ધનિક વ્યક્તિ છે.


મુકેશ અંબાણી પછી ભારતમાં ગૌતમ અદાણી (Gautam Adani) સૌથી ધનિક વ્યક્તિ છે અને 2020માં તેની સંપત્તિ બમણી થઇ ગઇ છે. ગૌતમ અદાણી 2.35 લાખ કરોડ રૂપિયાની સંપત્તિના માલિક છે અને દુનિયાભરનાં અમીરોમાં તેમનો 48 મા સ્થાન છે. જ્યારે તેમના ભાઇ વિનોદ અદાણીની સંપત્તિમાં ગયા વર્ષે 128 ટકા વધારો થયો હતો અને તેની કુલ સંપત્તિ 72,000 કરોડ રૂપિયાની નજીક છે. આ રિપોર્ટમાં અરબપતિઓના વ્યક્તિગત અને તેમના પરિવારોની 15 જાન્યુઆરી, 2021 સુધીની સંપત્તિને સામેલ કરવામાં આવ્યું છે.


ભારતમાં HCLના શિવ નાદર (Shiv Nadar) ત્રીજો સૌથી ધનિક વ્યક્તિ છે અને તેની કુલ સંપત્તિ 27 અરબ ડૉલર નજીર 2 લાખ કરોડ રૂપિયા છે. આ સિવાય સૉફ્ટવેર કંપની Zcalerની જય ચૌધરી (Jay Chaudhry)ની સંપત્તિ ગત વર્ષે 274 ટકાનો વધારો થયો હતો અને તેમની સંપત્તિ 13 અરબ ડૉલર એટલે કે લગભગ 95,500 કરોડ રૂપિયા સુધી પહોંચી ગઇ છે. ત્યારે Byju Raveendran અને તેમના પરિવારની સંપત્તિમાં આ સમયગાળા દરમિયાન 100 ટકાથી વધારે નફો થયો છે અને તેની કુલ નેટવર્થ 2.8 અરબ ડૉલર એટલે કે 20,500 કરોડ રૂપિયાથી વધારે થઈ ગઈ છે.


આચાર્ય બાલકૃષ્ણની સંપત્તિમાં 32% નો ઘટાડો


આનંદ મહિન્દ્રા અને તેના પરિવારની સંપત્તિમાં પણ 100 ટકાથી વધારે થઇ ગઇ છે અને તેમનું કુલ નેટવર્થ 2.4 અરબ ડૉલર એટલે કે 18,000 કરોડ રૂપિયા રહ્યા છે. ત્યારે પતંજલિ આયુર્વેદ (Patanjali Ayurved)ના આચાર્ય બાલકૃષ્ણની સંપત્તિમાં આ વર્ષે 32 ટકાનો ઘટાડો થયો અને તેમની સંપત્તિ 26,500 કરોડની નજીક રહી છે. દેશમાં સૌથી વધુ 60 અરબપતિ મુંબઇમાં રહે છે, આ સિવાય 40 નવી દિલ્હીમાં અને 22 અરબપતિ બેંગ્લોરમાં રહે છે.


કિરણ મઝુમદાર શૉ સૌથી ધનિક મહિલા


મહિલાઓમાં ફાર્મા કંપની બાયોકૉનની માલિકીન કિરણ મઝુમદાર શૉ (Kiran Mazumdar Shaw) સૌથી ધનિક ભારતીય છે અને તેની કુલ સંપત્તિ 2020માં 41 ટકાથી વધીને 4.8 અરબ ડૉલર એટલે કે 35,250 કરોડ રૂપિયાની નજીક છે. ત્યારે, બીજો નંબર પર Godrejની સ્મિતા વી કૃષ્ણા છે. તેમની સંપત્તિ 4.7 અરબ ડૉલર એટલે કે 34,500 કરોડ રૂપિયાની નજીક છે. આ સાથે મહિલાઓમાં સૌથી ધનિક વ્યક્તિમાં ત્રીજી નંબર પર લ્યુપિન ફાર્માની મંજુ ગુપ્તા છે. તેની સંપત્તિ 3.3 અરબ ડૉલર એટલે કે 24,200 કરોડથી વધુ છે.


દેશમાં K શેપ રિકવરીની ચિંતા


Hurun Global Rich Listની આ રિપોર્ટ એવા સમયે આવી છે જ્યારે દેશમાં k શેપ રિકવરીની ચિંતા વ્યક્ત કરી રહ્યા છે. K શેપ રિકવરીમાં દેશના તમામ લોકોને બદલાયા થોડા પસંદગીના લોકો અને અમીર બની જાય છે. હુરુન ઈન્ડિયાના MD અનસ રહનામ જુનેદે કહ્યું કે ભરતમાં જૂના અને પરંપરાગત ઇન્ડસ્ટ્રીઝ વેલ્થ ક્રિએશન કરી રહી છે, જ્યારે અમેરિકા અને ચીનમાં Tech આધારિત ઇન્ડસ્ટ્રીઝ વેલ્થ ક્રિએટ કરી રહી છે. જો ભારતમાં પણ tech-driven વેલ્થ ક્રિએશન થયું તો અરબપતિઓની સંખ્યાના સંદર્ભમાં ભારત અમેરિકાને પાછળ છોડી દેશે.