રુપિયામાં ટ્રેડના ભારતના પ્લાને લાગ્યું ગ્રહણ, રશિયા પાસેથી ઓઇલ ખરીદવામાં ક્યાં આવી રહી છે અડચણ

Russian Oil Imports : ભારતે રશિયા પાસેથી મોટા જથ્થામાં સસ્તા તેલની ખરીદીને કારણે તેની મોસ્કો સાથેની વેપાર ખાધમાં નોંધપાત્ર વધારો થયો છે, જે બંને દેશોની રૂપિયાની વેપાર યોજનાને ઢાંકી રહી છે. ભારત અને રશિયા વચ્ચે એક્સપોર્ટ અને ઇમ્પોર્ટ વચ્ચેનું અંતર વધી રહ્યું છે, જેના કારણે લોકલ ચલણમાં પેમેન્ટની વ્યવસ્થા અવ્યવહારુ બની રહી છે. બ્લૂમબર્ગના અહેવાલ મુજબ, સૂત્રોએ જણાવ્યું હતું કે કોઈ ચૂકવણી થઈ રહી નથી કારણ કે રશિયન બેંકો હવે તેમની પાસે વધારાના પૈસા જમા કરવા માંગતી નથી.

8 મહિનામાં ઇમ્પોર્ટ 16 ગણી વધી
વ્યાપાર મંત્રાલયના ડેટા અનુસાર નવેમ્બરથી આઠ મહિનામાં નવી દિલ્હીની રશિયામાંથી ઇમ્પોર્ટ લગભગ 16 ગણી થઈ છે. યુક્રેન સાથે રશિયાના યુદ્ધને કારણે યુએસ દ્વારા પ્રતિબંધો લાદવામાં આવ્યા બાદ રૂપિયામાં વેપાર કરવાનો વિચાર સામે આવ્યો હતો. હકીકતમાં, વિશ્વમાં કોમોડિટીના ભાવમાં વધારાની વચ્ચે, ભારતે વધતા ઇમ્પોર્ટ બિલને કાબૂમાં રાખવા માટે રશિયા પાસેથી સસ્તા ક્રૂડની ખરીદી વધારી દીધી હતી. આ પદ્ધતિ મોરેશિયસ અને શ્રીલંકા જેવા અન્ય દેશો સાથે સમાન વ્યવસ્થા માટે એક ઉદાહરણ તરીકે ઉભરી આવી.

રશિયા સાથે રૂપિયાના વેપારમાં ધીમી પ્રગતિ લોકલ ચલણ પર દબાણ વધારી શકે છે, જેણે છેલ્લા 12 મહિનામાં એશિયામાં અન્ય ઉભરતા અર્થતંત્રો સામે સૌથી વધુ ગુમાવ્યું છે.

ચાલુ ખાતાની ખાધ રેકોર્ડ લેવલે
ભારત ડોલરની માંગ ઘટાડવા અને કરન્ટ એકાઉન્ટ ડેફિસિટમાં વધારો કર્યા પછી તેની અર્થવ્યવસ્થાને વૈશ્વિક આંચકાઓથી ઓછી સંવેદનશીલ બનાવવા માટે રૂપિયાના આંતરરાષ્ટ્રીયકરણ પર દાવ લગાવી રહ્યું છે. ચાલુ ખાતાની ખાધ, માલ અને સેવાઓના વેપારના વ્યાપક માપદંડ, જુલાઈ-સપ્ટેમ્બરમાં વિક્રમ સ્તરે પહોંચી હતી.

ઈલેક્ટ્રોનિક્સ જેવા ક્ષેત્રોમાં રશિયામાં એક્સપોર્ટ વધારવાની રીતો પર ચર્ચા કરવા બંને દેશોના અધિકારીઓ ગયા મહિને મળ્યા હતા, જેથી રૂપિયાના વેપાર મિકેનિઝમને પાટા પર લાવી શકાય. દરમિયાન, વેપારીઓ અન્ય સમાધાન પદ્ધતિઓ પણ જોઈ રહ્યા છે.