ગુજરાતમાં 24 કલાકમાં કોલ્ડવેવ સાથે કમોસમી વરસાદની હવામાન વિભાગની આગાહી

ગુજરાતમાં છેલ્લાં બે ત્રણ દિવસથી વાતાવરણમાં પલટો જોવા મળી રહ્યો છે. રાજ્યમાં પવન ફૂંકાવવાની સાથે લોકો કાતિલ ઠંડીનો પણ અનુભવ કરી રહ્યા છે. રાજ્યમાં ઠંડીનો ચમકારો હજુ એવો ને એવો જ છે. રાજ્યમાં ભારે પવન પણ ફૂંકાઈ રહ્યો છે. ત્યારે ગુજરાતમાં ઠંડીના માહોલ વચ્ચે હવામાન વિભાગે આગાહી કરતા કહ્યું છે કે, રાજ્યમાં કોલ્ડવેવની સાથે કમોસમવી વરસાદ વરસી શકે છે. આજે એટલે કે 28 જાન્યુઆરીના રોજ ઉત્તર અને મધ્ય ગુજરાતમાં કમોસમી વરસાદની આગાહી છે. હવામાન વિભાગની આગાહીએ ખેડૂતોને ચિંતામાં મૂક્યા છે. મહત્વનું છે કે, શુક્રવારે મોડી રાત્રે વડોદારાના ગ્રામ્ય વિસ્તારમાં પલટો જોવા મળ્યો હતો અને કમોસમી વરસાદ પડ્યો હતો. જેથી ખેડૂતો પણ પોતાના પાકને લઈને ચિંતામાં મૂકાયા છે. તો નલિયામાં 4.5 ડિગ્રી, અમદાવાદમાં 13.5 ડિગ્રી, કેશોદમાં 8.4, રાજકોટમાં 9.4 ડિગ્રી તાપમાન નોંધાયુ હતુ. તો હવામાન વિભાગે ભારે પવન અને વરસાદને લઈને દરિયાખેડૂઓને દરિયો ન ખેડવા માટે પણ સૂચના આપી છે.

અહીં કમોસમી વરસાદની આગાહી

ગુજરાતમાં ઠંડનો ચમકારો યથાવત છે. ત્યારે હવામાન વિભાગે આગાહી કરતા જણાવ્યું કે, આજે ઉત્તર અને મધ્ય ગુજરાતમાં કમોસમી વરસાદ પડી શકે છે. કોલ્ડવેવની સાથે ભારે પવન ફૂંકાવવાની પણ શક્યતા છે. જેથી રાજ્યના દાહોદ, મહિસાગર, આણંદ, અરવલ્લી, સાબરકાંઠામાં કમોસમી વરસાદની આગાહી કરવામાં આવી છે. સાથે જ અમદાવાદ અને ગાંધીનગરમાં પણ હળવા વરસાદની શક્યતા છે. સાથે જ સમગ્ર વિસ્તારમાં ભારે પવન ફૂંકાય એવી પણ શક્યતાઓ વ્યક્ત કરવામાં આવી છે. જો કમોસમવી વરસાદ પડે તો 40-50 કિમી પ્રતિ કલાકની ઝડપે પવન પણ ફૂંકાઈ શકે છે અને એના કારણે વાતાવરણમાં વધારે ઠંડક પ્રસરતા ઠંડીનો પણ અહેસાસ થશે.

આ વિસ્તારોમાં કાતિલ ઠંડીની આગાહી