Parliament Canteenમાં હવે સાંસદોને 35 રૂપિયામાં નહીં મળશે સ્વાદિષ્ટ ખોરાક, સરકારે સમાપ્ત કરી સબ્સિડી

સંસદ ભવનની કેન્ટીનમાં માનનીય સાંસદો હવે ખૂબ સસ્તા દર પર સ્વાદિષ્ટ ભોજનનો આનંદ નહીં માણશે. સરકારે સંસદની કેન્ટિનમાં આપવામાં આવતી અનાજની સબ્સિડી બંધ કરી દીધી છે. લોકસભાના અધ્યક્ષ ઓમ બિરલાએ મંગળવારે કહ્યું કે સંસદની કેન્ટીનમાં સાંસદોને અન્ન પર આપવામાં આવતી સબ્સિડી પર પ્રતિબંધ મૂકવામાં આવ્યો છે. આ પગલાથી આશા છે કે દર વર્ષે સરકારને 8 કરોડ રૂપિયાની બચત થવાની સંભાવના છે, જે સંસદ કેન્ટિનને સબ્સિડી તરીકે આપવામાં આવી હતી. લોકસભાના અધ્યક્ષ ઓમ બિરલાએ કહ્યું કે સાંસદ અને અન્ય લોકોએ હવે ભોજનની કિંમત પ્રમાણે ચૂકવણી કરવાની રહેશે.

લોકસભાના અધ્યક્ષ ઓમ બિરલાએ કહ્યું કે તેની સાથે સંસદની કેન્ટીન હવે ઉત્તરી રેલ્વેને બદલે ITDC (ઇન્ડિયન ટ્રરિઝ્મ ડેવલપમેન્ટ કૉરપોરેશન) ચલાવવામાં આવશે. તમને જણાવી દઈએ કે સંસદની કેન્ટીનમાં વેજ થાળી ફક્ત 35 રૂપિયામાં મળી રહેતી હતી. ત્યારે ચિકન કરી ફક્ત 50 રૂપિયામાં ઉપલબ્ધ હતી. ત્રણ કોર્સ લંચની કિંમત 106 રૂપિયા નક્કી કરવામાં આવી હતી અને પ્લેન ડોસા માત્ર 12 રૂપિયામાં ઉપલબ્ધ હતો. આ સિવાય મટન કરી 40 રૂપિયામાં અને ચિકન બિરયાની 65 રૂપિયામાં મળી હતી. એક આરટીઆઈના જવાબમાં 2017-18માં આ રેટની લિસ્ટ જાહેર થઈ હતી.

લોકસભાની કાર્યવાહી સાંજના 4 થી 8 વાગ્યા સુધી ચાલશે

લોકસભાના અધ્યક્ષ ઓમ બિરલાએ કહ્યું કે સંસદ સત્રની શરૂઆત પહેલા તમામ સાંસદોને કોવિડ-19 તપાસ કરવા વિન્તી કરવામાં આવશે. તેમણે કહ્યું હતું કે સાંસદોએ નિવાસસ્થાન પાસે તેમના આરટી-પીસીઆર કોવિડ -19 ની પરીક્ષણ કર્યા પછી પ્રબંધ કર્યા છે. સંસદ ભવનમાં કોરોના ટેસ્ટ 27 અને 28 જાન્યુઆરીએ યોજાશે. આ ઉપરાંત સાંસદોના તમામ સ્ટાફ અને તેમના પરિવારના સભ્યો માટે બી ટેસ્ટની પણ વ્યવસ્થા કરવામાં આવી છે. 29 જાન્યુઆરીથી શરૂ થતા સંસદ સત્ર દરમિયાન રાજ્યસભાની કાર્યવાહી સવારે 9 થી બપોરે 2 વાગ્યા સુધી ચાલશે. જ્યારે, લોકસભાની કાર્યવાહી બીજા ભાગમાં સાંજે 4 થી રાત્રે 8 વાગ્યા સુધી યોજાશે. ત્યારે, પ્રશ્ન કલાક સત્ર દરમિયાન 1 કલાકનું રહેશે.