હવે 60 નહીં પરંતુ વધુમાં વધુ 45 દિવસમાં દૂર થશે સામાન્ય જનતાની ફરિયાદ, કેન્દ્રએ ઘટાડી સમય મર્યાદા

સરકારને CPGRAMS પર આ વર્ષે પહેલા 12 લાખ ફરિયાદો મળી ચૂકી છે.
ના રોજ પ્રકાશિત Fri, 30, 2021 પર 15:52  |  સ્ત્રોત : Moneycontrol.com

નરેન્દ્ર મોદી (Narendra Modi) સરકારે એક મોટો નિર્ણય લેતા, જાહેર ફરિયાદના નિરાકરણ માટે મહત્તમ સમય મર્યાદા હાલના 60 દિવસથી ઘટાડીને 45 દિવસ કરી દીધી છે. આ અંગે સંસદીય સમિતિની તરફથી તેને લઇને ભલામણ કરવામાં આવી હતી. સરકારને ગત વર્ષે એક જ પોર્ટલ પર જનતા પાસેથી 22 લાખથી વધુ ફરિયાદો મળી છે અને સેન્ટ્રલાઇઝ પબ્લિક ગ્રેવાંસેસ રેડરેસલ એ્ડ મૉનિટરિંગ સિસ્ટમ (CPGRAMS) પર આ વર્ષ પહેલા જ 12 મિલિયન એવી ફરિયાદ આવી ચૂકી છે.


સરકાર દ્વારા જારી કરાયેલા નવા આદેશ મુજબ, CPGRAMS ફરિયાદોનો તાત્કાલિક નિરાકરણ લાવવામાં આવશે અને વધુમાં વધુ 45 દિવસની અંદર સમાધાન કરવામાં આવશે. COVID-19 કેટેગરી હેઠળની ફરિયાદોને ઉચ્ચ અગ્રતા તરીકે માનવામાં આવે છે અને 3 દિવસમાં સમાધાન કરવામાં આવશે.


ઑર્ડર પછી કહ્યું કે નિર્ણય બાદ CPGRAMS સિસ્ટમ રિસ્પોન્સના હાઇ રેટ અને ઓસત નિપટાન સમયમાં પ્રગતિશીલ ઘટાડા સાથે વધુ પ્રતિભાવશીલ બને છે. આદેશમાં કહેવામાં આવ્યું છે કે, CPGRAMSમાં ફરિયાદ નિવારણના વિશ્લેષણમાં જણાવાયું છે કે લગભગ 87 ટકા મંત્રાલયો અથવા વિભાગોએ 45 દિવસથી ઓછા સમયમાં ફરિયાદોનો નિકાલ કર્યો છે.


માર્ચમાં એક સંસદીય સ્થાયી સમિતિએ પણ ભલામણ કરી હતી કે ફરિયાદ નિવારણ માટેની મહત્તમ સમયમર્યાદા 60 થી 45 દિવસ સુધી ઓછી કરી હતી.


ગયા વર્ષે મળેલી તમામ ફરિયાદોમાંથી માત્ર સાત વિભાગો જ લગભગ 70 ટકા ફરિયાદો ધરાવે છે, જેમાં નાણાકીય સેવાઓ વિભાગ સામે લગભગ પાંચ લાખ ફરિયાદ અને ટેલિકોમ વિભાગ સામે લગભગ ત્રણ લાખ જેટલી ફરિયાદો હતી. પોસ્ટ્સ વિભાગ, શ્રમ અને રોજગાર અને સેન્ટ્રલ બ્યુરો અને રેલવે, તે અન્ય મંત્રાલયો અથવા વિભાગો છે, જેમને વધુ ફરિયાદો મળી રહી છે.