હવે આ સરકારી બેંક FD પર આપી રહી છે 7.75% વ્યાજ, ચેક કરી લો નવા એફડી રેટ

FD Rates: જાહેર ક્ષેત્રની બેંક કેનેરા બેંકે FD પર વ્યાજ દરમાં વધારો કર્યો છે. આ વધારો 2 કરોડ રૂપિયાથી ઓછીની FD પર કરવામાં આવ્યો છે. બેંકની સત્તાવાર વેબસાઇટ અનુસાર, આ નવા દરો 18 જાન્યુઆરી, 2023થી અમલમાં આવ્યા છે. કેનેરા બેંક હવે 7 દિવસથી 10 વર્ષ સુધીની FD પર સામાન્ય લોકોને 3.25% થી 7.15% વ્યાજ ઓફર કરી રહી છે. તે જ સમયે, કેનેરા બેંક વરિષ્ઠ નાગરિકોને 3.25 ટકાથી 7 ટકા સુધીનું વ્યાજ આપી રહી છે. કેનેરા બેંકે અગાઉ 19 ડિસેમ્બર, 2022ના રોજ FDના વ્યાજ દરોમાં સુધારો કર્યો હતો. બેંકે 2 કરોડ રૂપિયાથી ઓછીની FD પર વ્યાજ દરમાં 0.50 ટકા સુધીનો વધારો કર્યો છે. હવે આ વધેલા નવા દરો લાગુ કરવામાં આવ્યા છે. આવી સ્થિતિમાં, કસ્ટમર પાસે FD વ્યાજ દ્વારા પૈસા કમાવવાની સારી તક છે.

કેનેરા બેંકે FDના વ્યાજ દરમાં વધારો કર્યો
બેંક 400 દિવસની FD પર સૌથી વધુ વ્યાજ ચૂકવી રહી છે. કેનેરા બેંક 400 દિવસની FD પર 7.15% વ્યાજ ઓફર કરી રહી છે. વરિષ્ઠ નાગરિકોને આ 400 દિવસની FD પર 7.65 ટકા વ્યાજ મળી રહ્યું છે. બેંક સામાન્ય લોકોને 7.45 ટકા અને વરિષ્ઠ નાગરિકોને 400 દિવસ માટે રૂ. 15 લાખથી વધુની નોન-કોલેબલ એફડી પર 7.75 ટકા વ્યાજ ઓફર કરી રહી છે.

આ પણ વાંચો - માઇક્રોસોફ્ટે 10,000 કર્મચારીઓની કરી છટણી, કસ્ટમરની આ બદલાતી જરૂરિયાતોને ગણાવી જવાબદાર

આ FD ખાસ છે
બેંક 666 દિવસની FD પર તમને 7% અને વરિષ્ઠ નાગરિકોને 7.75% વ્યાજ આપી રહી છે. તે જ સમયે, બેંક 2 વર્ષથી વધુ પરંતુ 3 વર્ષથી ઓછી એફડી પર 7.3% વ્યાજ ઓફર કરી રહી છે. સામાન્ય લોકોને 3 વર્ષથી વધુ પરંતુ 5 વર્ષથી ઓછી એફડી પર 6.5 ટકા વ્યાજ મળી રહ્યું છે. તે જ સમયે, વરિષ્ઠ નાગરિકોને તેના પર 7 ટકા વ્યાજ મળી રહ્યું છે. સામાન્ય લોકોને 6.5 ટકા અને વરિષ્ઠ નાગરિકોને 5 વર્ષથી 10 વર્ષની FD પર 7 ટકા વ્યાજ મળી રહ્યું છે. એટલે કે કસ્ટમર હવે ઊંચા વ્યાજે તેમની એફડી કરાવી શકશે.