Chandrayaan 3 : ચંદ્રયાન 3 મિશન સફળ, વિક્રમ લેન્ડર ચંદ્રના દક્ષિણી ધ્રુવ પર ઉતર્યું

Chandrayaan 3 : 23 ઓગસ્ટની તારીખ ઇતિહાસમાં નોંધાઈ છે. સાંજે છ વાગ્યા પછી થોડી મિનિટો બાદ ભારતે ચંદ્ર પર પગ મૂક્યો હતો. ચંદ્રયાન 3 મિશન સફળ રહ્યું. વિક્રમ લેન્ડરે ચંદ્રના દક્ષિણ ધ્રુવ પર સફળતાપૂર્વક સોફ્ટ લેન્ડ કર્યું. દેશના 140 કરોડ લોકો આ ક્ષણની રાહ જોતા હતા. બધાની નજર ટીવી ચેનલો પર ટકેલી હતી. વિક્રમ લેન્ડર ચંદ્રની સપાટીને સ્પર્શતાની સાથે જ દેશના લોકોનું માથું ગર્વથી ઉંચુ થઈ ગયું હતું. વડાપ્રધાન નરેન્દ્ર મોદીએ દક્ષિણ આફ્રિકાથી વિક્રમ લેન્ડરને ચંદ્ર પર ઉતરતા જોયા.

નિષ્ણાતોનું કહેવું છે કે ચંદ્ર પરનું આ મિશન અંતરિક્ષમાં ભારત માટે ઘણા દરવાજા ખોલવા જઈ રહ્યું છે. ખાસ વાત એ છે કે જે રીતે ISRO ખૂબ જ ઓછા ખર્ચે મિશનને સફળ બનાવી રહ્યું છે, તેનાથી આવનારા દિવસોમાં ભારત માટે વ્યાપારી રીતે ઘણી મોટી તકો ઊભી થવાની છે.