Road Accident: ઉત્તરાખંડમાં ભયાનક માર્ગ અકસ્માત! ભક્તોથી ભરેલી કાર ખાડામાં પડી, 9 લોકોના મોત, 2 ઘાયલ

Road Accident: ઉત્તરાખંડમાં ગુરુવારે એક મોટો માર્ગ અકસ્માત થયો હતો. પિથોરાગઢ જિલ્લામાં મંદિર જઈ રહેલા ભક્તોથી ભરેલી કાર રામગંગા નદીમાં ડૂબી ગઈ હતી. આ ભયાનક અકસ્માત સમયે કારમાં લગભગ 12 મુસાફરો હતા, જેમાંથી 9 લોકોના ઘટનાસ્થળે જ મોત થયા હતા જ્યારે બે લોકો ગંભીર રીતે ઘાયલ થયા હતા. ઘાયલોની હાલત અત્યંત ગંભીર હોવાનું કહેવાય છે. હાલ તેની સ્થાનિક હોસ્પિટલમાં સારવાર ચાલી રહી છે.

અધિકારીઓએ જણાવ્યું કે, ઘગના વિશે માહિતી મળતા જ પોલીસ અને SDRFની ટીમ ઘટનાસ્થળે પહોંચી ગઈ છે. આ સાથે 108 એમ્બ્યુલન્સને પણ અકસ્માત સ્થળે મોકલવામાં આવી છે, જેથી રાહત અને બચાવ કાર્ય ઝડપથી શરૂ કરી શકાય.

કુમાઉના આઈજી નિલેશ ભરણેએ જણાવ્યું હતું કે પિથોરાગઢ જિલ્લાના મુનિશિયારી બ્લોકમાં એક કાર ખાડામાં પડી જતાં 9 લોકોના મોત થયા હતા અને 2 ગંભીર રીતે ઘાયલ થયા હતા. પોલીસ અને SDRFની ટીમ ઘટનાસ્થળે પહોંચી ગઈ છે.

મુખ્ય પ્રધાન પુષ્કર સિંહ ધામીએ પિથોરાગઢમાં થયેલા દર્દનાક અકસ્માત પર શોક વ્યક્ત કર્યો છે. સીએમએ ટ્વીટ કર્યું, "બાગેશ્વરના શમાથી પિથોરાગઢના નાચની તરફ આવી રહેલા એક વાહનના અકસ્માતને કારણે ઘણા જાનહાનિના ખૂબ જ દુઃખદ સમાચાર મળ્યા છે. રાહત અને બચાવ કાર્ય માટે રેસ્ક્યુ ટીમને ઘટનાસ્થળે મોકલવામાં આવી છે." હું પ્રાર્થના કરું છું. ભગવાન દિવંગત આત્માઓને શાંતિ આપે. ઓમ શાંતિ: શાંતિ: શાંતિ:."

આ પણ વાંચો - Axis Bankએ તેના કસ્ટમર્સ માટે 'વન-વ્યૂ' સર્વિસ શરૂ કરી, એકાઉન્ટ એગ્રીગેટર ઇકોસિસ્ટમ રજૂ કરનાર પ્રથમ બેન્ક બની