Gautam Adani: ટેક્સચોરી, બનાવટી ડોક્યુમેન્ટ બનાવવાના આરોપો બાદ પણ રાજેશ અદાણીને કેમ સોંપી કંપનીની કમાન?

છેલ્લા કેટલાક દિવસોથી ગૌતમ અદાણી ગ્રુપની કંપનીઓના શેરમાં ભારે ઘટાડો જોવા મળી રહ્યો છે. આ કારણથી gautam adani દુનિયાના સૌથી અમીર લોકોની યાદીમાં ચોથા નંબર પર ખસકી ગયા છે. ગૌતમ અદાણી ગ્રુપ પર અમેરિકાના એક શોર્ટ સેલર હિનેડનબર્ગ રિસર્ચે આરોપ લગાવ્યા છે કે તેઓ ઓફશોર ટેક્સ હેવન દેશોનો ફાયદો ઉઠાવીને પોતાનું કામકાજ કરતા હતા.

ગૌતમ અદાણીએ એક તરફ કાનૂની કાર્યવાહી કરવાની ધમકી આપ્યા બાદ પણ કંપની તેના રિપોર્ટને વળગી રહી છે. હિને઼નબર્ગે કહ્યું, "જો ગૌતમ અદાણી કાનૂની કાર્યવાહી કરશે તો અમે તેના માટે તૈયાર છીએ."

હેન્ડેનબર્ગ રિસર્ચે અદાણી ગ્રુપને પૂછ્યૂં હતું કે, ગૌતમ અદાણીના નાના ભાઈ રાજેશ અદાણી પર અનેક આરોપો હોવા છતાં પણ તેમણે ગ્રુપના એમડી કેમ બનાવવામાં આવ્યા છે? રાજેશ અદાણી પર કસ્ટમ ચોરી, બનાવતી ઈમ્પોર્ટ ડોક્યુમેન્ટેશન અને ગેરકાયદે કોલસાની આયાત કરવા સહિતના આરોપો લાગ્યા છે.

હિન્ડેનબર્ગ રિસર્ચે અદાણી ગ્રુપને એવું પણ પૂછ્યું હતું કે, ગૌતમ અદાણીના જીજા સમીરો વોરાના નામે ડાયમંડ ટ્રેડિંગ સ્કેમમાં બહાર આવવા છતાં પણ તેમને ઓસ્ટ્રોલિયાના અદાણી ડિવીઝનના એક્ઝિક્યૂટિવન ડાયરેક્ટર કેમ બનાવવામાં આવ્યા છે?

છેલ્લા ત્રણ વર્ષમાં ગૌતમ અદાણાની ગ્રુપ કંપનીના સાત લિસ્ટેડ કંપનીઓના શેરના ભાવ સરેરાશ 819 ટકા વધ્યા છે. હિન્ડેનબર્ગે તેના રિપોર્ટમાં કહ્યું છે કે, અદાણી ગ્રુપના અનેક પૂર્વ સીનિયર એક્ઝિક્યુટિવ અને એક્સપર્ટ સાથે વિચારવિમર્શ કર્યા બાદ હજારો પેજના દસ્તાવેજ જોયા બાદ આ રિપોર્ટ તૈયાર કરવામાં આવ્યો છે.

તેમા એમ પણ કહેવામા આવ્યું છે કે, અદાણી ગ્રુપ પહેલા અનેક સરકારી મામલામાં પણ તપાસના દાયરામાં રહી ચૂક્યું છે. તેમાં money-laundering, ટેક્સપેયરના ફંડની ચોરી તેમજ ભ્રષ્ટાચાર જેવા આરોપો પણ લાગી ચૂક્યા છે.

આરોપ લગાવવામાં આવ્યો છે કે અદાણી પરિવારની શેલ કંપની બનાવીને મોરીશસ, સંયુક્ત આરબ અમીરાત, કેરેબિયન આઈલેન્ડ જેવા દેશોમાં કંપની બનાવીને કામકાજ કરી રહ્યા છે. હિન્ડેનબર્ગ રિસર્ચના આ રિપોર્ટમાં કહેવામાં આવ્યું છે કે, ગૈતમ અદાણીના મોટા ભાઈ વિનોદ અદાણી કંપનીના કામકાજમાં એક્ટિવ જણાતા નથી પણ તેઓ સરકારની તપાસ એજન્સીઓના નિશાના પર રહે છે. વિદેશમાં બનાવવામાં આવેલી બનાવટી કંપની દ્વારા પૈસાની ઉલટ-ફેરમાં વિનોદ અદાણી પર અનેક આરોપો લાગ્યા છે.

આરોપ છે કે, મોરીશસમાં બનાવવામાં આવેલી 38 કંપનીઓના કામકાજ વિનોદ અદાણી અથવા તેમના ભરોસામંદ લોકો સંભાળે છે.