Adaniના 400 કરોડના સોદામાં સતત વિલંબ, જાણો ક્યાં અટવાઈ છે ડીલ

અદાણી ગ્રૂપ દ્વારા મેન્ટેનન્સ, રિપેર અને ઓવરહોલ (MRO) કંપની એર વર્ક્સના પ્રસ્તાવિત સંપાદન સંબંધિત સોદો વિલંબિત થયો છે. તેનું કારણ એ છે કે એર વર્કસની એક મોટી શેરહોલ્ડિંગ કંપની લિક્વિડેશનમાં ગઈ છે અને તેના કારણે ડીલ પૂર્ણ થવામાં સતત વિલંબ થઈ રહ્યો છે. સૂત્રોએ જણાવ્યું છે કે એર વર્ક્સ અને અદાણી ગ્રૂપ વચ્ચેના એમઓયુ પહેલાથી જ બે વાર સમાપ્ત થઈ ચૂક્યા છે અને છેલ્લી સમયમર્યાદા નાણાકીય વર્ષ 2022-23ના ચોથા ત્રિમાસિક ગાળાની હતી.

ગયા વર્ષે એમઓયુ પર હસ્તાક્ષર

આ ઘટનાક્રમથી વાકેફ એક વ્યક્તિએ માહિતી આપી છે કે અદાણી ગ્રૂપ દ્વારા કંપનીના અધિગ્રહણ સાથે સંબંધિત સોદો હજુ પૂરો થવાનો બાકી છે કારણ કે એર વર્કસમાં 23 ટકા હિસ્સો ધરાવતા પુંજ લોયડ ગ્રૂપ (Punj Lloyd Group) લિક્વિડેશનમાં ગયું છે.

પુંજ લોયડ ગ્રૂપને ધિરાણકર્તા નાદારીની પ્રક્રિયા દરમિયાન રિઝોલ્યુશન શોધવામાં નિષ્ફળ રહ્યા છે. જેના કારણે લિક્વિડેશનની પ્રક્રિયા ચાલી રહી છે.

અદાણી ગ્રુપ હજુ પણ એર વર્ક્સમાં રૂચિ વ્યક્તિએ કહ્યું કે અદાણી ગ્રુપ હજુ પણ આ MRO કંપની એર વર્ક્સમાં રસ ધરાવે છે. "એમઓયુ સમાપ્ત થઈ ગયો છે કારણ કે એર વર્ક્સ સમસ્યાનો ઉકેલ શોધવામાં નિષ્ફળ રહી છે જ્યાં તેની સૌથી મોટી શેરધારક કંપની, પુંજ લોયડ, લિક્વિડેશનમાં ગઈ છે અને કંપનીની માલિકીની સંપત્તિ બેન્ક દ્વારા વેચવામાં આવશે. યોગ્ય પ્રક્રિયા દ્વારા કરવામાં આવશે.તેમાં સમય લાગી રહ્યો છે.