Jaykay Enter: ત્રણ વર્ષમાં 4 થી 73 રૂપિયાની સફર, જેકેના શેરોએ 1600% રિટર્ન આપી રોકાણકારોને કર્યા માલામાલ!

શેરબજારના રોકાણકારોને1600 ટકા રિટર્ન આપીને માલામાલ કરી દેનારી કંપની જે કે એન્ટરપ્રાઈઝિસે જણાવ્યું હતું કે, રવિવાર 9 જુલાઈએ તેના બોર્ડ ઓફ ડિરેક્ટર્સની એક મીટિંગ યોજાશે જેમાં, એક અથવા વધુ ઈન્ટ્રુમેન્ટ દ્વારા ભંડોળ એકત્ર કરવાના પ્રસ્તાવ પર ચર્ચા કરવામાં આવશે. જેકે એન્ટરપ્રાઈઝિસ ઈક્વિટી શેર, કનવર્ટિબલ સિક્યોરિટીઝ, પ્રેફરેન્શિયલ ઈશ્યૂ, રાઈટ્સ ઈશ્યૂ અથવા જોગવાઈ દ્વારા ભંડોળ એકત્ર કરવાનો વિચાર કરી શકે છે.

જેકે એન્ટરપ્રાઈઝિસ લિમિટેડ નાઈલોન ફિલામેન્ટ યાર્ન, સિંથેટિક ફાઈબર અને આ પ્રકારના અન્ય ફેબ્રિક્સ બનાવે છે. કંપનીની પ્રોડક્ટમાં નાયલોન ફિલામેન્ટ યાર્ન, પોલિસ્ટર, પોલિસ્ટર સ્ટેપલ ફાઈબર, ઈન્ડસ્ટ્રીયલ ટાયર ફેબ્રિક્સ અને અન્ય પ્રોડક્ટ સામેલ છે.

ગત નાણાકીય વર્ષના ચોથા ક્વાર્ટરમાં JK enterprisesનું ચોખ્ખુ વેચાણ 270 ટકા વધીને ₹10 કરોડને પાર કરી ગયું હતું. જેકે એન્ટરપ્રાઈઝ છેલ્લા ક્વાર્ટરમાં પ્રમોટરે તેમના હિસ્સામાં 5 ટકાનો વધારો કર્યો હતો.

જેકે એન્ટરપ્રાઈઝના શેર શુક્રવારે 7 ટકાની તેજી સાથે 68 રૂપિયાની સપાટીએ પહોંચી ગયા હતા. છેલ્લા 2 વર્ષમાં જેકે એન્ટરપ્રાઈઝિસના શેરે 80 ટકા રિટર્ન આપ્યું છે જ્યારે છેલ્લા ત્રણ વર્ષમાં રોકાણકારોને જેકે એન્ટરપ્રાઈઝિસના શેરોમાં 1600 ટકા રિટર્ન પ્રાપ્ત થયું છે.

27 નવેમ્બર 2020ના રોજ જેકે એન્ટરપ્રાઈઝિસના શેર 3.76 રૂપિયાના લેવલ પર હતા જે હવે 68 રૂપિયાનું લેવલ પાર કરી ચૂક્યા છે.જો કોઈ વ્યક્તિએ 3 વર્ષ પહેલા જેકે એન્ટર.ના શેરમાં ₹100000 લગાવ્યા હોત તો તેમને લગભગ 26000 શેર મળ્યા હોત. આ શેરની વેલ્યૂ આજે ₹16 લાખથી પણ વધી ગઈ છે.