ભારત પર વધતા જતાં દેવાથી Moody's ચિંતામાં, છેલ્લા કેટલાક વર્ષોમાં વિકાસ દર ઘટાડવાનો કર્યો દાવો

ભારત વિશ્વમાં સૌથી ઝડપથી વિકસતી અર્થવ્યવસ્થા છે અને તેને વિશ્વ બેન્કથી લઈને આઈએમએફ સુધીની તમામ રેટિંગ એજન્સીઓએ સ્વીકારી છે. હવે વૈશ્વિક રેટિંગ એજન્સી મૂડીઝ તરફથી પણ ભારતીય અર્થતંત્ર માટે સારા સમાચાર આવ્યા છે. મૂડીઝએ ભારતીય અર્થતંત્રની પ્રશંસા કરતા BAA3 રેટિંગ જાળવી રાખ્યું છે. છેલ્લા કેટલાક વર્ષોમાં વિકસ દર ઘટ્યો છે.

ભારતીય અર્થતંત્રમાં વિશ્વાસ અકબંધ

ભારતમાં આવકનું સ્તર વધી રહ્યું છે

ભારત પરનો રેટિંગ એજન્સી મૂડીઝનો આ વિશ્વાસ પુષ્ટિ કરે છે કે દેશની અર્થવ્યવસ્થા સાચા ટ્રેક પર છે. જો કે રિપોર્ટમાં કહેવામાં આવ્યું છે કે ઝડપી ગતિએ આગળ વધવા છતાં છેલ્લા 7થી 10 વર્ષમાં ભારતના સંભવિત વિકાસ દરમાં ઘટાડો થયો છે. મૂડીઝએ પણ ભારત પર વધી રહેલા દેવા અંગે ચિંતા વ્યક્ત કરતા કહ્યું છે કે તેનાથી દેશની અર્થવ્યવસ્થા પર અસર પડી રહી છે. પરંતુ તેની સાથે મૂડીઝએ કહ્યું છે કે ઉચ્ચ જીડીપી વૃદ્ધિને કારણે આવકનું સ્તર પણ વધી રહ્યું છે અને આર્થિક સ્થિરતા જોવા મળી રહી છે.

વિકાસ દર 6-6.5 ટકા રહી શકે

મૂડીઝનો અહેવાલ જણાવે છે કે BAA3 રેટિંગ અને સ્થિર આઉટલૂકમાં નાગરિક સમાજ અને રાજકીય અસંમતિમાં ઘટાડો પણ સામેલ છે, જે સ્થાનિક રાજકીય જોખમોને કારણે વધુ વકરી છે. એજન્સીએ આશા વ્યક્ત કરી છે કે ઓછામાં ઓછા 2 વર્ષ સુધી ભારત તમામ G-20 દેશો કરતાં વધુ વૃદ્ધિ દર હાંસલ કરશે. તેનું મુખ્ય કારણ સ્થાનિક માંગમાં વધારો છે. આંતરરાષ્ટ્રીય ધોરણો અનુસાર આ ઝડપી વૃદ્ધિ દરને કારણે ઓછી આવકમાં વધારો થશે, જે આર્થિક મજબૂતી તરફ દોરી જશે. મૂડીઝ અનુસાર હવે ભારતનો વિકાસ દર 6 ટકાથી 6.5 ટકા રહી શકે છે.