7th Pay Commission: કેન્દ્રીય કર્મચારીઓ માટે અપડેટ, બજેટ 2023 પછી સરકારી કર્મચારીઓનો વધશે મૂળ પગાર

7th Pay Commission: નવા વર્ષની શરૂઆત થઈ ગઈ છે, આ સાથે બધાને આશા છે કે નવું વર્ષ સરકારી કર્મચારીઓ માટે નવી ખુશીઓ લઈને આવે. નવા વર્ષમાં સેલેરીને લઈને કેન્દ્રીય કર્મચારીઓ માટે મોટું અપડેટ આવી રહ્યું છે. નવા અપડેટ હેઠળ 52 લાખથી વધુ કેન્દ્રીય કર્મચારીઓના પગારમાં ટૂંક સમયમાં વધારો થતો જોવા મળી શકે છે. સરકાર 2022 સુધીમાં ફિટમેન્ટ ફેક્ટર પર નિર્ણય લેશે તેવી અપેક્ષા હતી, પરંતુ કેટલાક કારણોસર આ નિર્ણય મોકૂફ રાખવામાં આવ્યો હતો. હવે આશા છે કે નવા વર્ષમાં સરકાર આ અંગે કોઈ નિર્ણય લઈ શકે છે. ફિટમેન્ટ ફેક્ટરમાં સુધારો કરવાની માંગ સરકાર ટૂંક સમયમાં સ્વીકારી શકે છે.

આ અંગે અનેકવાર બેઠકો
વાસ્તવમાં કેન્દ્ર સરકારના કર્મચારીઓ દ્વારા ફિટમેન્ટ ફેક્ટરમાં ફેરફાર કરવાની લાંબા સમયથી માંગ કરવામાં આવી રહી છે. આ અંગે કર્મચારી સંગઠન અને સરકાર વચ્ચે અનેક બેઠકો થઈ છે. મીડિયા રિપોર્ટ્સનું માનીએ તો સરકાર 2024 પહેલા તેને લાગુ કરવાનો પ્રયાસ કરી રહી છે. બજેટ બાદ માર્ચ 2023માં તેને લાગુ કરવાની જાહેરાત થઈ શકે છે. જો આમ થશે તો કર્મચારીઓના પગારમાં બમ્પર ઉછાળો આવશે.

પગારમાં બમ્પર વધારો થઈ શકે
7મા પગાર પંચ અનુસાર, કેન્દ્રીય કર્મચારીઓ માટે ફિટમેન્ટ ફેક્ટર 2.57 ટકા છે, જે મુજબ તેમને પગાર મળી રહ્યો છે. હવે કામદારો તેને વધારીને 3.68 ગણી કરવાની માંગ કરી રહ્યા છે. જો આમ થશે તો લઘુત્તમ બેઝિક સેલરી 18,000 રૂપિયાથી વધીને 26,000 રૂપિયા થઈ જશે. જો કેન્દ્ર સરકાર આ માંગણી સ્વીકારે છે, તો કેન્દ્રીય કર્મચારીઓના લઘુત્તમ બેઝિક પગારમાં 8,000 રૂપિયાનો જબરદસ્ત વધારો થશે. મૂળ પગારમાં વધારા સાથે મોંઘવારી ભથ્થા, HRA જેવા ભથ્થાં પણ વધશે.

જો ફિટમેન્ટ ફેક્ટર વધારીને 3.68 કરવામાં આવે તો કર્મચારીઓનો બેઝિક પગાર 26,000 રૂપિયા થશે. હવે જો તમારો લઘુત્તમ પગાર રૂ. 18,000 છે, તો ભથ્થાને બાદ કરતાં તમને 2.57 ફિટમેન્ટ ફેક્ટર મુજબ રૂ. 46,260 (18,000 X 2.57 = 46,260) મળશે. હવે જો ફિટમેન્ટ ફેક્ટર 3.68 છે તો તમારો પગાર રૂ. 95,680 (26000X3.68 = 95,680) થશે.