મંદીના ભડકારા વચ્ચે મળ્યું રૂ. 2.4 કરોડનું પેકેજ,ઈસ્ટીટ્યૂટમાં અત્યાર સુધીની સૌથી મોટી ઓફર

IIT Guwahati: ઈન્ડિયન ઈન્સ્ટિટ્યૂટ ઑફ ટેક્નોલોજી (IIT) ગુવાહાટીમાં કેમ્પસ પ્લેસમેન્ટ દરમિયાન ખાનગી કંપનીઓએ વિદ્યાર્થીઓ પર પૈસાનો વરસાદ કર્યો હતો. એક B.Tech સ્ટુડન્ટને રૂ. 2.4 કરોડની પેકેજ ઓફર મળી છે. તેને એક મલ્ટીનેશનલ કંપની તરફથી આ ઓફર મળી હતી. જ્યારે ઘણી મોટી કંપનીઓ છટણી કરી રહી છે. તે જ સમયે, વિશાળ ટેક કંપનીઓ ભારે પગાર પર ગ્રેજ્યુએટ વિદ્યાર્થીઓની ભરતી કરી રહી છે. અધિકારીઓએ કહ્યું કે 2.4 કરોડ (CTC)નું પેકેજ મેળવવું એ IIT ગુવાહાટી માટે મોટી ઉપલબ્ધિ છે. સંસ્થાના ઈતિહાસમાં આવું પહેલીવાર બન્યું છે કે જ્યારે કોઈ વિદ્યાર્થીને 2.4 કરોડ રૂપિયાનું પેકેજ ઓફર કરવામાં આવ્યું હોય.

આ અત્યાર સુધીનું સૌથી મોટું પેકેજ છે. આ સિવાય બે અન્ય B.Tech વિદ્યાર્થીઓને પણ 1.1 કરોડ રૂપિયાનું પેકેજ ઓફર કરવામાં આવે છે, જે પોતાનામાં એક મોટી વાત છે. પ્લેસમેન્ટ કમિટીના એક સભ્યનું કહેવું છે કે કોમ્પ્યુટર સાયન્સ એન્જિનિયરિંગ (CSE) નોકરીની ઓફર સૌથી વધુ આવી છે.

CSE વિદ્યાર્થીઓને વધુ નોકરીની મળી રહી ઓફર
IIT ગુવાહાટીના ડેટા અનુસાર, કોમ્પ્યુટર સાયન્સના BTech વિદ્યાર્થીઓને માત્ર કોમ્પ્યુટર સાયન્સ અને ITમાં જ નોકરી નથી મળી રહી, પરંતુ બેંકિંગ અને ડિઝાઇન સેક્ટરમાં પણ ઘણી તકો મળી રહી છે. આ વખતે CSE વિદ્યાર્થીઓની ખૂબ માંગ હતી. આ વખતે CSEમાં સરેરાશ પેકેજ રૂ. 41 લાખ છે. જ્યારે ગયા વર્ષે રૂ.28 લાખ હતી. આ વર્ષે કુલ 1269 વિદ્યાર્થીઓ અને 264 કંપનીઓએ પ્લેસમેન્ટ માટે નોંધણી કરાવી છે. આ વર્ષના IIT ગુવાહાટી કેમ્પસ પ્લેસમેન્ટ માટે 78 સ્ટાર્ટ-અપ્સે પણ નોંધણી કરાવી છે.

આ કંપનીઓ પહોંચી હતી પ્લેસમેન્ટ માટે
આ વર્ષે ટોચના રિક્રૂટર્સમાં ગૂગલ, માઇક્રોસોફ્ટ, જેપી મોર્ગન ચેઝ, અમેરિકન એક્સપ્રેસ, ટેક્સાસ ઇન્સ્ટ્રુમેન્ટ્સ, ઉબેર, ક્વોલકોમ, સી-ડીઓટી, એન્ફેસ એનર્જી અને ઓરેકલ જેવી કંપનીઓનો સમાવેશ થાય છે. ઘણી બેંકો અને નાણાકીય કંપનીઓ પણ સામેલ હતી. જેમાં BNY Melon, Goldman Sachs, Bank of America, American Express એ ભાગ લીધો હતો. તે જ સમયે, એક્સિસ બેંક, ICICI બેંક, રિલાયન્સ, બજાજ જેવી કંપનીઓએ પણ જોબ ઓફરમાં ભાગ લીધો હતો.