જો તમે દેશની સૌથી મોટી બેંક સ્ટેટ બેંક ઓફ ઈન્ડિયા (SBI) ના ગ્રાહક છો, તો તમારા માટે મહત્વપૂર્ણ માહિતી છે. હકીકતમાં, સ્ટેટ બેંક ઓફ ઈન્ડિયાના ઘણા કસ્ટમરને તેમના મોબાઈલ પર 147.50 રૂપિયાની કપાતનો મેસેજ મળ્યો હતો. શક્ય છે કે તમને પણ આ મેસેજ મળ્યો હોય, તો ચાલો તમને આનું કારણ જણાવીએ.
SBIના ગ્રાહકો ધ્યાન આપો, તમારા ખાતામાંથી કપાયા છે 147 રૂપિયા, જાણો કારણ
SBI એ તેના કસ્ટમરના ખાતામાંથી કોઈપણ ટ્રાજેક્શન કર્યા વિના 14.50 રૂપિયા કાપી લીધા છે. હકીકતમાં, સ્ટેટ બેંક ઓફ ઈન્ડિયાના ઘણા કસ્ટમરને તેમના મોબાઈલ પર 147.50 રૂપિયાની કપાતનો મેસેજ મળ્યો હતો.
અપડેટેડ 07:58:00 PM Jan 21, 2023 પર
આ કારણથી SBI કસ્ટમરના ખાતામાંથી પૈસા કાપી રહી છે
જો તમે સ્ટેટ બેંક ઓફ ઈન્ડિયાના કસ્ટમર છો અને કોઈપણ ટ્રાન્ઝેક્શન વગર તમારા ખાતામાંથી 147.50 રૂપિયા કપાઈ ગયા છે એટલે કે ઓટો ડેબિટ થઈ ગયા છે, તો ચિંતા કરવાની કોઈ વાત નથી. વાસ્તવમાં બેંક તેના કસ્ટમર દ્વારા ઉપયોગમાં લેવાતા ATM અને ડેબિટ કાર્ડના વાર્ષિક મેઇનટેનન્સ માટે સર્વિસ ચાર્જ કાપે છે. આ કારણોસર SBIએ એટીએમ અને ડેબિટ કાર્ડનો ઉપયોગ કરતા કસ્ટમરના ખાતામાંથી 147 રૂપિયા કાપી લીધા છે.
SBI એટીએમ અને ડેબિટ કાર્ડ માટે આટલો ચાર્જ લે છે
SBI તેના કસ્ટમર પાસેથી ATM અને ડેબિટ કાર્ડના વાર્ષિક મેઇનટેનન્સ માટે 125 રૂપિયાનો ચાર્જ વસૂલે છે, જેની સાથે કસ્ટમરએ 18% GST પણ ચૂકવવો પડે છે. જો આપણે 18% GST દરે 125 રૂપિયાની ગણતરી કરીએ તો આ રકમ 147.50 રૂપિયા થાય છે. એ જ રીતે, SBI એટીએમ અથવા ડેબિટ કાર્ડ બદલવા માટે રૂ. 300 વત્તા 18 ટકા જીએસટી વસૂલે છે.
ક્રેડિટ કાર્ડની ફી પણ બદલાઈ ગઈ છે
SBI કાર્ડ્સ એન્ડ પેમેન્ટ સર્વિસ લિમિટેડે ક્રેડિટ કાર્ડ સંબંધિત વિવિધ વ્યવહારો માટે વસૂલાતા ચાર્જીસમાં પણ સુધારો કર્યો છે. SBI કાર્ડે તેની વેબસાઈટ પર માહિતી આપી છે કે 15 નવેમ્બર 2022 થી, તમામ ભાડાની ચુકવણીના વ્યવહારો પર 99 રૂપિયા + લાગુ ટેક્સની પ્રોસેસિંગ ફી વસૂલવામાં આવશે.
SBI દેશની સૌથી મોટી બેંક
સ્ટેટ બેંક ઓફ ઈન્ડિયા એ સંપત્તિ, થાપણો, શાખાઓ, કસ્ટમર અને કર્મચારીઓની દ્રષ્ટિએ સૌથી મોટી વ્યાપારી બેંક છે. 30 સપ્ટેમ્બર, 2022 સુધીમાં, બેંક પાસે 41.90 લાખ કરોડથી વધુની થાપણ આધાર છે. SBIનો માર્કેટ શેર 32.9 ટકા છે. SBI ભારતમાં 66,757 BC આઉટલેટ્સ સાથે 22,309 શાખાઓ અને 65,796 ATM/ADWMનું સૌથી મોટું નેટવર્ક ધરાવે છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
