આ વ્યક્તિએ 20 કરોડમાં ખરીદ્યો દુર્લભ જાતિનો કૂતરો, તેની ખાસિયત જાણીને ચોંકી જશો

તમે અનેક ડોગ લવર્સને જોયા જ હશે, ત્યારે બેંગલુરુનો એક વ્યક્તિ ગજબનો ડોગ લવર છે. તેને કરોડો રૂપિયા ખર્ચીને એક ખાસ જાતિનો કૂતરો ખરીદ્યો છે. બેંગ્લોર મિરરના એક રિપોર્ટ અનુસાર બેંગ્લોરમાં એક બ્રીડરે તાજેતરમાં 20 કરોડ રૂપિયામાં કોકેશિયન શેફર્ડ કૂતરો ખરીદ્યો છે.

આ વ્યક્તિનું નામ સતીશ છે, જે ઈન્ડિયન ડોગ બ્રીડર્સ એસોસિએશનના પ્રમુખ છે અને બેંગ્લોરમાં કેનલના માલિક છે. તેણે હૈદરાબાદના એક બ્રીડર પાસેથી ભારતમાં દુર્લભ જાતિના કૂતરા ખરીદ્યા છે.

બેંગલોર મિરરે અહેવાલ આપ્યો છે કે સતીશની કેનલના નામ પરથી કોકેશિયન શેફર્ડનું નામ "કડબોમ હૈદર" રાખવામાં આવ્યું છે. હૈદર 1.5 વર્ષનો છે. તેણીએ તાજેતરમાં ત્રિવેન્દ્રમ કેનલ ક્લબ ઇવેન્ટ અને અન્ય ડોગ શોમાં ભાગ લીધો હતો. ખાસ વાત એ છે કે તેણે બેસ્ટ ડોગ બ્રીડ માટે 32 મેડલ જીત્યા છે.

આ કૂતરાના માલિકે અખબારને કહ્યું, "હૈદર સાઇઝમાં ઘણો મોટો છે અને ખૂબ જ ફ્રેન્ડલી છે. હાલમાં તે મારા ઘરે જ રહે છે."

2016માં, સતીશ બે કોરિયન માસ્ટિફ ધરાવનાર ભારતનો પ્રથમ વ્યક્તિ બન્યો. તે દરેકની કિંમત 1 કરોડ રૂપિયા છે. તેણે આ શ્વાન ચીનથી આયાત કર્યા હતા. સતીશ આ શ્વાનને એરપોર્ટ પરથી રોલ્સ રોયસ અને રેન્જ રોવરમાં લાવ્યો હતો.

આ પણ વાંચો - વોટ્સએપે આપી નવા વર્ષની ગિફ્ટ, હવે ઈન્ટરનેટ વગર પણ કરી શકશો ચેટ, જાણો સંપૂર્ણ વિગત

નીડર, બોલ્ડ અને દયાળુ સ્વભાવ તરીકે ઓળખાય છે, કોકેશિયન શેફર્ડ ખાસ કરીને જ્યોર્જિયા, આર્મેનિયા, અઝરબૈજાન, ઓસેટીયા, દાગેસ્તાન અને રશિયાના ભાગોમાં જોવા મળતી એક જાતિ છે.

અમેરિકન કેનલ ક્લબ અનુસાર, સદીઓથી, આ જાતિનો ઉપયોગ ઘરોની રક્ષા કરવા, વરુ અને કોયોટ્સ જેવા મોટા અને નાના શિકારીઓથી પશુધનને બચાવવા અને અન્ય ઘણા કાર્યો માટે કરવામાં આવતો હતો.

સંપૂર્ણ વિકસિત કોકેશિયન શેફર્ડનું વજન લગભગ 44થી 77 કિગ્રા છે. તેની ઉંચાઈ 23થી 30 ઈંચ છે. તેનું આયુષ્ય 10થી 12 વર્ષ છે.