IPLના પૂર્વ અધ્યક્ષ લલિત મોદી ઓક્સિજન સપોર્ટ પર, કોવિડ-19ના ડબલ એટેકથી સંક્રમિત

ઈન્ડિયન પ્રીમિયમ લીગ (IPL)ના સ્થાપક અને પૂર્વ અધ્યક્ષ લલિત મોદી આ દિવસોમાં ઓક્સિજન સપોર્ટ પર છે. મોદી કોરોના વાયરસના બેવડા હુમલાની ઝપેટમાં આવી ગયા છે. તેઓ “ઈન્ફ્લુએન્ઝા અને ગંભીર ન્યુમોનિયા”થી સંક્રમિત છે.

લલિતે શુક્રવારે ઇન્સ્ટાગ્રામ પર પોતાની તબિયત અંગે એક પોસ્ટ કરી હતી. તેણે કહ્યું કે જ્યારે તેને ચેપ લાગ્યો ત્યારે તે મેક્સિકોમાં હતો અને હવે એર એમ્બ્યુલન્સ દ્વારા લંડન પહોંચ્યો છે.

લલિત મોદીએ લખ્યું, "ત્રણ અઠવાડિયાના આઈસોલેશન પછી, ઈન્ફલ્યુએન્ઝા અને ગંભીર ન્યુમોનિયા સાથે બે અઠવાડિયામાં કોરોનાનો બેવડો હુમલો. અંતે બે ડૉક્ટરો અને સુપરસ્ટાર સુપર કુશળ પુત્ર સાથે એર એમ્બ્યુલન્સ દ્વારા લંડન પહોંચ્યા."

તેણે આગળ લખ્યું, "ફ્લાઇટ સરળ હતી. દુર્ભાગ્યવશ હજુ પણ 24/7 બાહ્ય ઓક્સિજન પર છે. હું દરેકનો ખૂબ આભારી છું. બધાને પ્રેમ."

લલિતની કથિત ગર્લફ્રેન્ડ સુષ્મિતા સેનના ભાઈ રાજીવ સેને પણ તેમના માટે પ્રાર્થના કરી છે. રાજીવે લખ્યું, “લલિત તમને ઝડપથી સ્વસ્થ થાય તેવી શુભેચ્છા. મજબુત રહો."

જુલાઈ 2022માં લલિતે સુષ્મિતા સાથેના સંબંધોની જાહેરાત કરી હતી. તેણે ઈન્સ્ટાગ્રામ પર એક નોટ અને અનેક તસવીરો પોસ્ટ કરીને આ વાતનો ખુલાસો કર્યો છે.

આ પણ વાંચો - વિશ્વની પ્રથમ નેસેલ ડ્રોપ વેક્સિન જાન્યુઆરીના અંત સુધીમાં થશે ઉપલબ્ધ, જાણો સંપૂર્ણ વિગતો

તેણે સુષ્મિતાને પોતાનો “બેટર હાફ” કહ્યો. તેણે તેનો ઈન્સ્ટાગ્રામ પ્રોફાઈલ ફોટો પણ બદલી નાખ્યો હતો, જે સુષ્મિતા સાથે હતો અને તેનો બાયો, જેમાં તેના વિશે એક લાઈન હતી.

થોડા મહિનાઓ પછી, લલિતે સુષ્મિતા સાથેનું તેનું ઇન્સ્ટાગ્રામ પ્રોફાઇલ ચિત્ર હટાવી દીધું હતું અને તેનું બાયો પણ બદલી નાખ્યું હતું, જેનાથી બ્રેકઅપની અફવાઓ ઉડી હતી. જો કે, સુષ્મિતાએ સંબંધ કે કથિત બ્રેકઅપની ન તો પુષ્ટિ કરી ન તો નકારી કાઢી.