GST કલેક્શનઃ સતત દસમા મહિને ગુડ્સ એન્ડ સર્વિસ ટેક્સ (જીએસટી)નું રેકોર્ડ કલેક્શન થયું છે. નાણા મંત્રાલયે રવિવારે જણાવ્યું હતું કે ડિસેમ્બર મહિનામાં GST કલેક્શન 1.49 લાખ કરોડ રૂપિયાથી વધુ હતું. જે એક વર્ષ અગાઉના સમાન સમયગાળા કરતાં 15 ટકા વધુ છે. નવેમ્બર મહિનામાં જીએસટી કલેક્શન આશરે રૂ. 1.46 લાખ કરોડ હતું, જે એક વર્ષ અગાઉના સમયગાળાની સરખામણીએ 11 ટકા વધુ હતું. જીએસટીથી સરકારને ઘણી કમાણી થઈ રહી છે.
સતત 10મા મહિને બનાવ્યો રેકોર્ડ, ડિસેમ્બરમાં GSTથી એ ભરાઇ સરકારની તિજોરી
એપ્રિલ 2022માં GST કલેક્શન લગભગ રૂ. 1.68 લાખ કરોડના રેકોર્ડ ઉચ્ચ સ્તરે પહોંચ્યું હતું. બીજુ સૌથી વધુ કલેક્શન ઓક્ટોબરમાં રૂ. 1.52 લાખ કરોડ હતું. સરકારની તિજોરી GST કલેક્શનથી ભરાઈ રહી છે.
અપડેટેડ 11:57:44 AM Jan 03, 2023 પર
કોનો કેટલો હિસ્સો?
મંત્રાલયે કહ્યું કે ડિસેમ્બર 2022 દરમિયાન GSTની કુલ આવક 1,49,507 કરોડ રૂપિયા રહી છે. જેમાં સેન્ટ્રલ જીએસટી રૂ. 26,711 કરોડ, સ્ટેટ જીએસટી રૂ. 33,357 કરોડ, આઇજીએસટી રૂ. 78,434 કરોડ છે. ડિસેમ્બર 2022માં નિયમિત સેટલમેન્ટ પછી કેન્દ્ર અને રાજ્યોની કુલ આવક CGST રૂ. 63,380 કરોડ અને SGST રૂ. 64,451 કરોડ હતી. રૂ. 36,669 કરોડનો CGST હિસ્સો નિયમિત સેટલમેન્ટ તરીકે અને રૂ. 31,094 કરોડનો SGST હિસ્સો સેટલ કરવામાં આવ્યો છે.
ગુડ્સની આયાત દ્વારા આવક
IGSTમાં માલની આયાતમાંથી મળેલી રકમ (40,263)નો પણ સમાવેશ થાય છે. આ સિવાય સેસનો હિસ્સો 11,005 કરોડ રૂપિયા રહ્યો છે. જેમાં માલની આયાતમાંથી 850 કરોડ રૂપિયાની રકમ મળી છે. નવેમ્બરમાં 7.9 કરોડ ઈ-વે બિલ જનરેટ થયા હતા, જે ઓક્ટોબરમાં જનરેટ થયેલા 7.6 કરોડ ઈ-વે બિલ કરતાં ઘણું વધારે હતું.
આ નાણાકીય વર્ષમાં જીએસટી કલેક્શન
ઓક્ટોબર 2022માં GST કલેક્શન 1.52 લાખ કરોડ રૂપિયા હતું. સપ્ટેમ્બરમાં GST કલેક્શન રૂ. 1,47,686 કરોડ હતું. આ નાણાંકીય વર્ષ 2023ની વાત કરીએ તો સપ્ટેમ્બરમાં જીએસટી કલેક્શન 1.47 લાખ કરોડ, ઓગસ્ટમાં 1.43 લાખ કરોડ, જુલાઈમાં 1.48 લાખ કરોડ, જૂનમાં 1.44 લાખ કરોડ, મેમાં 1.40 લાખ કરોડ અને એપ્રિલમાં સૌથી વધુ 1.68 લાખ કરોડ રૂપિયા હતું. .
કેવી રીતે થઇ રહ્યું છે રેકોર્ડ બ્રેક કલેક્શન?
મંત્રાલયે થોડા મહિના પહેલા કહ્યું હતું કે GST કાઉન્સિલ પર નિર્ણયની અસર સ્પષ્ટપણે દેખાઈ રહી છે. GST કાઉન્સિલે છેલ્લા કેટલાક મહિનાઓ દરમિયાન વધુ સારા અનુપાલન માટે ઘણા પગલાં શરૂ કર્યા છે. GSTનું કલેક્શન એવા સમયે વધી રહ્યું છે જ્યારે રિઝર્વ બેન્ક રેપો રેટમાં સતત વધારો કરી રહી છે. ડિસેમ્બરમાં પણ સેન્ટ્રલ બેંકે રેપો રેટમાં 0.35 ટકાનો વધારો કર્યો હતો.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
