Manpreet Monica Singhએ રચ્યો ઈતિહાસ, અમેરિકાની પહેલી મહિલા શીખ જજ તરીકે લીધા શપથ

First female Sikh judge of United States : ભારતીય મૂળની મનપ્રીત મોનિકા સિંઘ જ્યારે હ્યુસ્ટનમાં હેરિસ કાઉન્ટીના જજ તરીકે શપથ લેશે ત્યારે તે યુએસમાં પહેલા મહિલા શીખ ન્યાયાધીશ બનવા માટે તૈયાર છે. સિંઘનો જન્મ અને ઉછેર હ્યુસ્ટનમાં થયો હતો. તે હવે તેના પતિ અને બે બાળકો સાથે બેલાયરમાં રહે છે. તેણીએ શુક્રવારે હેરિસ કાઉન્ટી સિવિલ કોર્ટના ન્યાયાધીશ તરીકે લો નંબર 4 ખાતે શપથ લીધા હતા. સિંઘના પિતા 1970ના દાયકાની શરૂઆતમાં અમેરિકામાં સ્થળાંતર કરી ગયા હતા.

20 વર્ષથી વકીલ તરીકે કામ કર્યું
20 વર્ષથી વધુ સમયથી ટ્રાયલ વકીલ તરીકે કામ કરતી, મનપ્રીત મોનિકા સિંઘ સ્થાનિક, રાજ્ય અને રાષ્ટ્રીય સ્તરે અનેક નાગરિક અધિકાર સંસ્થાઓ સાથે સંકળાયેલી છે.

"મારા માટે આ ઘણું મહત્વપૂર્ણ છે કારણ કે હું એચ-ટાઉન (હ્યુસ્ટનનું ઉપનામ)નું પ્રતિનિધિત્વ કરું છું," તેણીએ શપથ ગ્રહણ સમારોહ દરમિયાન કહ્યું. તેથી, હું આ માટે ખૂબ જ ખુશ છું.

ભરચક કોર્ટરૂમમાં શપથ લીધા
ભારતીય અમેરિકન ન્યાયાધીશ રવિ સેન્ડિલે આ કાર્યક્રમની અધ્યક્ષતા કરી હતી. આ દરમિયાન કોર્ટરૂમ સંપૂર્ણ રીતે ખીચોખીચ ભરાઈ ગયો હતો. સંદિલ સ્ટેટની પહેલી દક્ષિણ એશિયાઈ ન્યાયાધીશ પણ છે. સંદિલે કહ્યું કે શીખ સમુદાય માટે આ ખરેખર એક મોટી ક્ષણ છે.

આ પણ વાંચો - એરટેલ અને જિયોનું ટેન્શન વધારવા આવી રહ્યું છે BSNL 5G, ટેલિકોમ મંત્રીએ જણાવ્યું ક્યારે થશે લોન્ચ

હ્યુસ્ટનના મેયર સિલ્વેસ્ટર ટર્નરે કહ્યું, "આ શીખ સમુદાય માટે ગર્વનો દિવસ છે, પરંતુ તે તમામ કલરના લોકો માટે પણ ગર્વનો દિવસ છે જેઓ કોર્ટની વિવિધતામાં હ્યુસ્ટન શહેરની વિવિધતાનું પ્રતિનિધિત્વ કરે છે."