Yahoo Layoffs:યાહૂ 20% કરતા વધુ સ્ટાફની કરશે છટણી,આ ડિવીઝનને થશે અસર

Yahoo Layoffs : યાહૂએ કહ્યું કે તે તેના કુલ કર્મચારીઓના 20 ટકાથી વધુની છટણી કરવાની યોજના ધરાવે છે. કંપની તેના એડ ટેક ડિવિઝનમાં મુખ્ય પુનર્ગઠન યોજના પર કામ કરી રહી છે. છટણીનો આ તબક્કો વર્ષના અંત સુધીમાં યાહૂના લગભગ અડધા એડ ટેક વર્કફોર્સને અસર કરશે. કંપનીએ કહ્યું કે આ અઠવાડિયે લગભગ 1,000 કર્મચારીઓની છટણી થઈ શકે છે. યાહૂએ જણાવ્યું હતું કે આ પગલું કંપનીને તેના મુખ્ય એડ બિઝનેસ પર ધ્યાન કેન્દ્રિત કરવામાં મદદ કરશે, જેને ડીએસપી અને ડિમાન્ડ સાઇડ પ્લેટફોર્મ કહેવાય છે.

માર્કેટિંગ બજેટ ઘટાડી રહ્યા છે એડવર્ટાઈઝર્સ

આ કંપની પ્રાઈવેટ ઈક્વિટી કંપની એપોલો ગ્લોબલ મેનેજમેન્ટની માલિકીની છે, જેણે 2021માં યાહૂને $5 બિલિયનમાં ખરીદ્યું હતું.

રોઇટર્સના જણાવ્યા અનુસાર, ઉંચા ફુગાવા અને મંદીની ચિંતાઓને કારણે એડવર્ટાઈઝર્સએ માર્કેટિંગ બજેટમાં કાપ મૂક્યા બાદ કંપનીએ છટણી શરૂ કરી છે. એમેઝોન અને ગૂગલ જેવી કંપનીઓ દ્વારા હજારો કર્મચારીઓની છટણી કર્યા બાદ યાહૂએ આ યાદીમાં નવું નામ ઉમેર્યું છે.

Exios, જેણે પ્રથમ છટણીની જાણ કરી હતી, જણાવ્યું હતું કે છટણી ડિજિટલ જાહેરાત સર્વોચ્ચતા માટે Google અને Meta સાથે સીધી સ્પર્ધા કરવાના યાહૂના વર્ષોથી ચાલતા પ્રયત્નોને ઉલટાવી દેશે. યાહૂના સીઈઓ જિમ લેન્ઝોને કહ્યું કે આ છટણી નાણાકીય પડકારોને કારણે નથી, પરંતુ વ્યૂહાત્મક પડકારોને કારણે કરવામાં આવી રહી છે. અહેવાલ મુજબ, લેન્ઝોને કહ્યું કે, છટણીથી "યાહૂની પ્રોફેટેબિલિટીને નોંધપાત્ર રીતે ફાયદો થશે." તેનાથી કંપનીને બિઝનેસના અન્ય ભાગોમાં રોકાણ વધારવાની તક મળશે.

7,000 લોકોને નોકરીમાંથી કાઢી મૂક્યા ડિઝનીએ

યાહૂ પહેલા ડિઝનીએ તાજેતરમાં સાત હજાર કર્મચારીઓની છટણી કરવાનો નિર્ણય લીધો છે. ડિઝની કંપનીના સીઈઓ બોબ ઈગરે કહ્યું કે આજે આપણે જે પડકારોનો સામનો કરી રહ્યા છીએ તેનો ઉકેલ શોધવો ખૂબ જ મહત્વપૂર્ણ છે. મેં આ નિર્ણય હળવાશથી લીધો નથી. હું વિશ્વભરના અમારા કર્મચારીઓની સખત મહેનત અને પ્રતિભાની કદર કરું છું અને હું જાણું છું કે આ નિર્ણય તેમના પર કેવી અસર કરશે. 1 ઓક્ટોબર, 2022 સુધીમાં, ડિઝની પાસે કુલ બે લાખ 20 હજાર કામદારો હતા.