ટેક્સ પ્લાનિંગ: મૂકેશ પટેલ સાથે ખાસ રજૂઆત

ના રોજ પ્રકાશિત Fri, 09, 2019 પર 17:32  |  સ્ત્રોત : CNBC-Bajar

કોઈ પણ નોકરીયાતના જીવનમાં એક વાત તો નિશ્ચિત છે અને તે છે નિવૃત્તી, કામ માંથી નિવૃત્તી મળે તે તો સૌને વાહ્લી લાગે, પણ તેમા પણ જો તેના પર કર લાગે તો તે આકરુ લાગે, તો આજે આપણે રિટાયરમેન્ટ બેનિફિટ્સ ક્યા છે તે જાણીશું. એના અંગે જાણકારી લઇએ કરવેરા નિષ્ણાંત મૂકેશભાઈ પટેલ પાસેથી.


નિવૃત્તી આયોજનના ફાયદા-


કોઈપણ પગારદાર જ્યારે નિવૃત્ત થાય ત્યારે જે અલગ-અલગ રકમ મળે છે તેને સમજવી ખુબ જરૂરી છે. દરેક પગારદારને તેના PFની રકમ મળતી હોય છે. માલિક તરફથી જે રકમ જમા થાય છે તેનું વ્યાજ મળે છે. PFના સંદર્ભમાં 80C ના પણ લાભ મળે છે. નિવૃત્ત થતા PFની રકમ ઉપાડી લેવી જોઈએ. ગ્રેચ્યુઈટીના કેસમાં સરકારી કર્મચારીઓને કોઈ નાણાંકિય મર્યાદા નથી, અને તેમને જે રકમ મળે તેને કરમુક્ત ગણવામાં આવે છે. ખાનગી કર્મચારીના કેસમાં તેમને 20 લાખની રકમ નિયત ફોર્મ્યુલા અનુસાર ગણતરી કરી બાદ મળે છે. લિવ એન્કેશમેન્ટ એટલે હક્ક રજાની `3 લાખ સુધીની રકમ કરમુક્ત મળે છે.


સવાલ-


હું થોડા સમય પહેલા બૅન્કમાંથી નિવૃત્ત થયો હતો, મને લિવ એન્કેશમેન્ટ માટે પ્રશ્ન છે, સરકારી અને બિનસરકારી કર્મચારીઓની લિવ એન્કેશમેન્ટની લિમિટ રૂપિયા 3 લાખ આવશે કે કોઈ અન્ય રીતે આયોજન થઈ શકશે?


જવાબ-


કલમ 10 (10AA) તમને લાગુ પડશે, જેમા સરકારી કર્મચારીઓને જે લિવ એન્કેશમેન્ટની રકમમાં કરમુક્તિની નાણાંકિય મર્યાદા નથી, જે પ્રાઈવેટ સેક્ટરના કર્મચારીઓને મહત્તમ 3 લાખની કરમુક્તિ મળી શકે છે. આપને રૂપિયા 3 લાખ કરતા વધારેની રકમ પર ટેક્સ ભરવાનો રહેશે.


નિવૃત્તી માટેનું કરવેરા આયોજન-


નિવૃત્તી સમયે મળતી તમામ મૂડી એકત્રિત કરી તેના ઉપર ઉદ્ભવતી આવક ઉપર ટેક્સ ભરવાનો થાય તો તેનું ભારણ મોટું થાય છે. તમારા પરિવારના સભ્યો જે ઓછા ટેક્સ બ્રેકેટમાં આવતા હોય તેમને ઈન્ટરેસ્ટ ફ્રિ લોન આપી શકો છો. વ્યક્તિના કેસમાં રૂપિયા 5 લાખથી ઓછી આવક હોય તો તે ટેક્સ ફ્રિ બની શકે છે. રોકાણ એવી રીતે કરી શકાય જેમા ઉંચા દરે વ્યાજ પણ મળે અને યોગ્ય આયોજન પણ બની શકે છે. ટેક્સને તમે રિઝનેબલ બનાવી શકો છો.


સવાલ-


મારી ઉંમર 54 વર્ષ છે અને મે 3 મહિનાની નોટિસથી રિઝાઈન આપ્યું છે, મને રૂપિયા 45,000 જેટલું પેન્શન મળશે અને રૂપિયા 40 લાખ જેટલા અન્ય ફાયદાઓ મળશે. તો તેનું આયોજન કેવી રીતે કરી શકાય? મારા પત્ની હાઉસવાઈફ છે અને દિકરો ઓસ્ટ્રેલિયામાં ભણે છે. તો ટેક્સ કેવી રીતે બચાવી શકાય તેનું માર્ગદર્શન આપશો.


જવાબ-


તમે પેન્શનની આવક તમારી કરપાત્ર આવક ગણાશે. પેન્શન પગારને સમકક્ષ ગણાય છે જેમા રૂપિયા 50,000 નું સ્ટાન્ડર્ડ ડિડક્શનનો લાભ લઈ શકાશે. તેમના પત્ની હાઉસવાઈફ છે જેથી સિનિયર સિટીઝન સેવિંગ સ્કીમમાં રોકાણ કરી શકાય છે. SCSS તમે જે રોકાણ કર્યુ તે સમય ના આધારે લોક થશે. રૂપિયા 1.5 લાખ 80Cમાં પણ બાદ લઈ શકાશે. પત્નીના નામે કુલ રૂપિયા 15 લાખ સુધીનું રોકાણ કરી શકાશે.


સવાલ-


કલમ 80Cમાં હાલ સુધી ટ્યુશન ફિ અને સ્કુલ ફિ બન્ને બાદ મળતી હતી, આ વખતથી માત્ર સ્કુલ ફિ જ લખવામાં આવી છે, તો શું ટ્યુશન ફિ બાદ મળશે?


જવાબ-


કલમ 80C હેઠળ બાદ મળવા પાત્ર ફિ છે તે ટ્યુશન ફિ છે. ટ્રાન્સપોર્ટ તેમજ બુક્સ ફિ બાદ મળવાપાત્ર નથી. રૂપિયા 1.5 લાખની મર્યાદામાં તમે ટ્યુશન ફિમાં સ્કુલ ફિ પણ બાદ મેળવી શકાશે.


સવાલ-


હું NRI સ્ટેટસ 2010 થી મેઈન્ટેન કરુ છું, અને હું મર્ચન્ટ નેવીમાં જોબ કરુ છું, ગત વર્ષથી હું ભારતમાં જ છું, તો મારે આ વર્ષે કંઈ કેટેગરીમાં આવકવેરા ફાઈલ કરવાનું રહેશે?


જવાબ-


આવકવેરા રિટર્નમાં આપે રેસિડેન્ટ તરીકે તમારો હોદ્દો દર્શાવવાનો રહેશે. તમારી ભારત બહારની કોઈ આવક નથી. તમારી NRE એકાઉન્ટનું વ્યાજ ટેક્સેબલ ગણવું કે નહિં તેના માટે કલમ 10(4) અનુસાર NRE એકાઉન્ટ પર મળવાપાત્ર વ્યાજ FEMA હેઠળ જે નોનરેસિડેન્ટ છે તેમને મળવા પાત્ર છે. FEMA અને આવકવેરા હેઠળ NRIની પરિભાષા અલગ-અલગ છે. FEMAમાં જો તમારો ઉદ્દેશ્ય વિદેશ રહેવાનો છે માટે NRE એકાઉન્ટ સાથે તમે NRI છો. તમે NRE એકાઉન્ટનું વ્યાજ ક્લેમ કરી શકશો.


સવાલ-


હું ગત વર્ષ બૅન્કમાંથી નિવૃત્ત થયો, મારા પાસે રૂપિયા 33,00,000 જેટલી રકમ છે, મે રૂપિયા 11,00,000ની લોન અગેઈમ્સ્ટ ફંડ લીધી છે મારા દિકરાના ભણતર માટે, તો શું હું તેના ઈન્ટરેસ્ટની અમાઉન્ટનું એક્ઝેમ્શન લઈ શકું? જો હા તો કંઈ કલમ લાગુ પડી શકે?


જવાબ-


આવકવેરાના કાયદા હેઠળ કલમ 80E માં ક્યાય એજ્યુકેશનલ લોન લખ્યું નથી અને તેમ નોંધ્યુ છે કે કોઈપણ નાણાંકિય સંસ્થાને ચૂકવેલ વ્યાજની રકમ જે શૈક્ષણિક હેતુસર લોન માટે હોય તો તે રકમનું વ્યાજ તમને કપાત તરીકે બાદ મળી શકે છે. રૂપિયા 2 લાખ 36 હજાર આપને પરત મળી શકે જે બૅન્ક પાસેથી લીધેલી લોન પર ચૂકવ્યું છે.


સવાલ-


મારી ઉમર 61 year છે, મારી પાસે મેં ખરીદેલ 20 વરસ પહેલાના મકાન છે, તે વેંચવાના છે તો તે વેંચાય પછી મારે નવું મકાન લેવું પડે? કે FD કરાવું તો ચાલે. મકાનની કિંમત રૂપિયા 25 + 25 લાખ જેવી થાય, હું નાનો છૂટક વેપારી છું અને રિટર્ન ફાઈલ કરું છું.


જવાબ-


આપનો કરપાત્ર કેપિટલ ગેઈન કેટલો થાય છે તે તપાસો. તમારા મકાનની માર્કેટ વેલ્યું તમારે જાણવી જોઈએ. આ વર્ષની ઈન્ડેક્સ વેલ્યુંની ગણતરી કરી તમારી વેંચાણકિંમતથી બાદ કરાયેલ કરપાત્ર મુડીનફો ગણવાનો રહેશે. જો તમારે મકાન ખરીદવું હોય તો વેચાણના 2 વર્ષની અંદર ખરીદવું જોઈએ. જો ઘર ન ખરીદવું હોય તો ઘર વેચ્યાના 6 મહિનાની અંદર નિયત બોન્ડમાં રોકાણ કરી શકો છો, જે 5 વર્ષ માટેનું રોકાણ થાય અને 5 વર્ષ બાદ સંપૂર્ણ રકમ કરમુક્ત બનશે, માત્ર તેના પર થયેલી વ્યાજની રકમ કરપાત્ર રહેશે.