અમેરિકામાં લાઇફટાઇમ એન્ટ્રી પર પ્રતિબંધ, ભારતીયો માટે અમેરિકન એમ્બેસીની સખત ચેતવણી

ભારતીય નાગરિકો માટે અમેરિકામાં વીઝા નિયમોનું પાલન કરવું હવે વધુ મહત્વનું બની ગયું છે. નવી દિલ્હી સ્થિત ભારતીય દૂતાવાસે એક સખત ચેતવણી જારી કરી છે કે, જે ભારતીયો અમેરિકામાં વીઝા પર રહે છે, તેઓએ તેમની નિર્ધારિત સમયમર્યાદામાં પાછા ફરવું જરૂરી છે. જો કોઈ વ્યક્તિ વીઝાની મુદતથી વધુ સમય સુધી અમેરિકામાં રોકાય છે, તો તેને કાનૂની કાર્યવાહીનો સામનો કરવો પડી શકે છે, અને તેના પર આજીવન અમેરિકા પ્રવેશ પર પ્રતિબંધ પણ લાગી શકે છે.

વિઝા નિયમોનું ઉલ્લંઘન ભારે પડશે

ભારતીય દૂતાવાસે સોશિયલ મીડિયા પ્લેટફોર્મ X પર આ ચેતવણી જાહેર કરી છે. દૂતાવાસે જણાવ્યું, "જો તમે અમેરિકામાં તમારી વીઝાની સમયમર્યાદાથી વધુ રોકાશો, તો તમને દેશનિકાલનો સામનો કરવો પડી શકે છે. આ ઉપરાંત, ભવિષ્યમાં તમારા અમેરિકા પ્રવેશ પર કાયમી પ્રતિબંધ મૂકવામાં આવી શકે છે." આ ચેતવણી ટૂરિસ્ટ વીઝા, સ્ટુડન્ટ વીઝા અને વર્ક પરમિટ સહિત તમામ પ્રકારના વીઝા ધારકો માટે છે.

વિઝા સમયમર્યાદા અને I-94 ફોર્મ

ટ્રમ્પ પ્રશાસનની સખત પોલીસી

જાન્યુઆરી 2025માં ડોનાલ્ડ ટ્રમ્પના બીજી વખત રાષ્ટ્રપતિ બન્યા બાદ અમેરિકામાં ઇમિગ્રેશન અને વીઝા નિયમોમાં સખતાઈ આવી છે. ટ્રમ્પે ચૂંટણી પ્રચાર દરમિયાન જ વીઝા નિયમોને કડક કરવા અને ગેરકાયદેસર ઇમિગ્રન્ટ્સને દેશનિકાલ કરવાની વાત કરી હતી. તેમના પ્રશાસને ગેરકાયદેસર ઇમિગ્રન્ટ્સને બહાર કાઢવા માટે વ્યાપક અભિયાન શરૂ કર્યું છે, જેના કારણે વીઝા નિયમોનું પાલન કરવું હવે વધુ જરૂરી બન્યું છે.

શું કરવું જોઈએ?

-સમયમર્યાદાનું ધ્યાન રાખો: તમારા I-94 ફોર્મ પર નોંધાયેલી તારીખ પહેલાં અમેરિકા છોડી દો.

-વીઝા એક્સટેન્શનની જરૂર હોય તો: USCISની ઓફિશિયલ વેબસાઇટ પર જઈને એપ્લિકેશન પ્રોસેસ વિશે માહિતી મેળવો.

-નિયમોનું પાલન કરો: નાની ભૂલ પણ તમારા ભવિષ્યના અમેરિકા પ્રવાસને જોખમમાં મૂકી શકે છે.

આ ચેતવણી ભારતીય નાગરિકોને અમેરિકાના કડક ઇમિગ્રેશન નિયમોનું ગંભીરતાથી પાલન કરવા માટે પ્રોત્સાહિત કરે છે. વધુ માહિતી માટે ભારતીય દૂતાવાસની ઓફિશિયલ વેબસાઇટ અથવા X હેન્ડલની મુલાકાત લો.

આ પણ વાંચો-અમેરિકાથી ભારત પૈસા મોકલવા પડશે મોંઘા, ટ્રમ્પ પ્રશાસન 5% ટેક્સ લગાવશે, દર વર્ષે 13,000 કરોડ ચૂકવવા પડશે વધુ