Online Sale Fraud: ચાલી રહી છે ઓનલાઇન સેલની મોસમ, પરંતુ રહો સાવધાન, ફેક વેબસાઈટ અને એપ દ્વારા થઈ શકે છેતરપિંડી

Online Fraud: હાલ ઓનલાઇન સેલની મોસમ ચાલી રહી છે. દરેક શોપિંગ વેબસાઇટ અલગ અલગ સેલ ઓફર કરી રહ્યું છે, તહેવારોની સિઝન દરમિયાન લોકો નાની મોટી ચીજ વસ્તુઓની ઓનલાઈન ખરીદી કરતા હોય છે. પણ જો તમે આ ઓનલાઈન ખરીદી કરી રહ્યા છો તો તમારે સાવચેતી રાખવાની જરૂર છે. સાયબર (Cyber Crime) ગુનેગારો તેનો લાભ લઈને લોકો સાથે છેતરપિંડી કરી રહ્યા છે. છેલ્લા ઘણા દિવસોથી ઓનલાઈન ફ્રોડના કેસમાં વધારો થયો છે.

વધારે ડિસ્કાઉન્ટની લાલચ

50%થી 80% સુધીના ડિસ્કાઉન્ટ

સાયબર ઠગ ગૂગલ પ્લે સ્ટોર પર ફેક એપ્સ લોન્ચ કરે છે. આ બધી એપ્સ ઓફિશિયલ ઈ-કોમર્સ વેબસાઈટ અથવા એપ્સના ક્લોન બનાવે છે. ત્યારબાદ સ્કેમર્સ લોકોને ફેક વેબસાઇટ્સ પર સામાન પર 50% થી 80% સુધીના ડિસ્કાઉન્ટની ઓફર કરે છે. લોકોને વસ્તુઓ સસ્તામાં મળે છે, તો તરત જ ઓર્ડર કરે છે અને ઠગની જાળમાં ફસાઈ જાય છે. ફેક વેબસાઈટ કે એપ પર પેમેન્ટ કર્યા બાદ ઓર્ડર કરેલા સામાનની ક્યારેય ડિલિવરી મળતી નથી.

ફોન કોલ દ્વારા છેતરપિંડી

લોકોને ઓર્ડરની ડિલિવરી મળતી નથી ત્યારે કંપનીના કસ્ટમર કેરને ફોન કરે છે. ત્યારે લોકોને ફેક એપ્સ અને સાઇટ્સ વિશે ખબર પડે છે. આ ઉપરાંત તેઓ કહે છે કે, કંપની પાસે આવી કોઈ એપ નથી અને ન તો કંપની તરફથી આવી કોઈ ઓફર આપવામાં આવી રહી છે.

ફેક વેબસાઈટથી બચવા માટે ઈન્ટરનેટ દ્વારા કોઈપણ કંપનીની ઓફિશિયલ વેબસાઈટ વિશે જાણી શકાય છે. કોઈપણ પ્રકારના પેમેન્ટ કરતા પહેલા કંપનીની વેબસાઈટ કે એપ્સ વિશે તપાસ કરો. જો વેબસાઈટની શરૂઆત https સાથે ન થતી હોય તો ફેક સાઈટ હોઈ શકે છે. તેથી આવી વેબસાઇટ્સ પરથી ખરીદી ન કરવી જોઈએ. જો તમારી સાથે ફ્રોડ થાય તો હેલ્પલાઈન નંબર 1930 પર કોલ કરી શકો અને તમે http://cybercrime.gov.in પર ફરિયાદ નોંધાવી શકો છો.

આ પણ વાંચો-Surya and Chandra Grahan 2023: 15 દિવસમાં થશે બે ગ્રહણ, જાણો ભારતમાં સુતક કાળ માન્ય રહેશે કે નહીં