Rumor: નળમાંથી નીકળવા લાગ્યું ‘દૂધ', લોકો ડોલમાં ભરીને ઘરે લઈ જવા લાગ્યા, બહાર આવ્યું આ સત્ય

Rumor: ઉત્તર પ્રદેશના મુરાદાબાદના બિલારી પોલીસ સ્ટેશન વિસ્તારનો એક વીડિયો સોશિયલ મીડિયા પર વાયરલ થયો છે. જ્યાં બસ સ્ટેન્ડ પાસે લગાવેલા હેન્ડપંપમાંથી દુધિયા સફેદ પાણી નીકળવા લાગ્યું હતું. આ જોઈને સ્થળ પર ભીડ એકઠી થઈ ગઈ અને લોકો તેને સાચુ દૂધ ગણીને ડોલ અને બોટલોમાં ભરીને ઘરે લઈ જવા લાગ્યા. હેન્ડપંપમાંથી દૂધ નીકળ્યું હોવાના સમાચાર જંગલમાં આગની જેમ ફેલાઈ ગયા.

વીડિયો વાયરલ થતાની સાથે જ પોલીસ અને પ્રશાસનના લોકો ઘટનાસ્થળે પહોંચી ગયા હતા અને તપાસ શરૂ કરી હતી. જે બાદ ખુલાસો થયો કે તે દૂધ નહીં પરંતુ પ્રદૂષિત પાણી હતું. આ મામલે એડીએમ રાજબહાદુર સિંહે પોતે કહ્યું કે નળમાંથી નીકળતું પાણી દૂધ નથી. જે પ્રદુષિત અને ગંદુ પાણી છે.

હકીકતમાં, હેન્ડપંપના તૂટેલા પ્લેટફોર્મને કારણે, નળ ખૂબ જ નીચા સ્તરે ગયો હતો. તેના કારણે કેટલાક દૂષિત પદાર્થ પાણીમાં ભેળાઈ ગયા અને સફેદ રંગનું પાણી બહાર આવવા લાગ્યું. થોડી વાર પછી નળમાંથી ચોખ્ખું પાણી આવવા લાગ્યું. આ પછી નળને સીલ કરી દેવામાં આવ્યો હતો.

તપાસ બાદ વહીવટીતંત્ર એક્શનમાં

આ સિવાય એડીએમ રાજબહાદુર સિંહે કહ્યું કે પાલિકા તપાસ બાદ તે હેન્ડપંપ ખોલશે. જેથી લોકોને કોઈપણ પ્રકારની મુશ્કેલીનો સામનો કરવો ન પડે. આ અંગેની માહિતી મળતા જ પોલીસ ઘટનાસ્થળે પહોંચી ગઈ હતી અને ઘણી મુશ્કેલી બાદ ભીડને ત્યાંથી હટાવી હતી.

હેન્ડપંપ સીલ કરી દેવામાં આવ્યો છે. તપાસ બાદ જ ખુલશે. તેમજ વહીવટી તંત્ર દ્વારા લોકોને આ પ્રકારનું પાણી ન પીવા અપીલ કરવામાં આવી છે. જેના કારણે કોઈ પ્રકારની સમસ્યા થઈ શકે છે. આ પાણીથી લોકોના સ્વાસ્થ્ય પર ખરાબ અસર પડી શકે છે.

આ પણ વાંચો - Israel Hamas War Update: 39ને બદલે 117 પેલેસ્ટાઈનીઓને કર્યા મુક્ત, હમાસ દ્વારા યુદ્ધવિરામ લંબાવવાની માંગ, શું ઈઝરાયેલ થશે સહમત?