Hurun’s top Philanthropist List 2023: Zerodhaના સહ-સ્થાપકોએ 110 કરોડ રૂપિયાનું આપ્યું દાન, નિખિલ કામત દેશના સૌથી યુવા દાનવીર બન્યાં

Hurun’s top Philanthropist List 2023: ઓનલાઈન બ્રોકિંગ ફર્મ Zerodhaના બંને સહ-સ્થાપક નીતિન અને નિખિલ કામત પણ આ વર્ષે દેશના ટોચના દાતાઓની યાદીમાં સામેલ છે. હુરુન ઈન્ડિયા અને એડલગીવ દ્વારા બહાર પાડવામાં આવેલ 'હુરુન ઈન્ડિયા ફિલાન્થ્રોપી લિસ્ટ 2023' અનુસાર, કામત બંધુઓએ વર્ષ 2023માં 110 કરોડ રૂપિયાનું દાન આપ્યું છે. તેમણે આ દાન આબોહવા પરિવર્તન અને પર્યાવરણીય સ્થિરતા સાથે કામ કરતી સંસ્થાઓને આપ્યું છે. આ સિવાય 37 વર્ષીય નિખિલ કામત આ યાદીમાં સ્થાન મેળવનાર સૌથી યુવા દાતા બની ગયો છે. આ યાદીમાં બંને ભાઈઓ સંયુક્ત રીતે 12મા નંબરે છે.

હુરુન ઈન્ડિયાની યાદીમાં ટોચ પર છે HCL ટેકના ચેરપર્સન શિવ નાદર અને તેમનો પરિવાર, જેમણે કલા અને સંસ્કૃતિને પ્રોત્સાહન આપવા માટે લગભગ રૂ. 2,042 કરોડનું દાન આપ્યું છે.

આ વર્ષની શરૂઆતમાં, નિખિલ કામત બિલ ગેટ્સ અને વોરેન બફે દ્વારા સ્થાપિત 'ધ ગિવિંગ પ્લેજ'માં જોડાનાર ભારતના સૌથી યુવા ઉદ્યોગપતિ બન્યા હતા. આ ઉપરાંત કિરણ મઝુમદાર-શૉ, રોહિણી અને નંદન નીલેકણી પછી અઝીમ પ્રેમજી તેમાં જોડાનાર ચોથા ભારતીય છે. 'ધ ગિવિંગ પ્લેજ' ફાઉન્ડેશનના સભ્યો તેમની મોટાભાગની સંપત્તિ સખાવતી કાર્યોમાં દાન કરે છે.

ફોર્બ્સના અંદાજ મુજબ, નિખિલ કામતની સંપત્તિ $1 બિલિયનથી વધુ છે. તે આબોહવા પરિવર્તન, ઉર્જા, શિક્ષણ અને આરોગ્ય જેવા ક્ષેત્રોમાં દાન કરવાની યોજના ધરાવે છે. આ ઉપરાંત 37 વર્ષીય નિખિલ કામતે યંગ ઈન્ડિયન ફિલાન્થ્રોપિક પ્લેજ (YIPP) નામનું એક ફાઉન્ડેશન પણ બનાવ્યું છે, જે વિવિધ સ્ટાર્ટઅપ સ્થાપકોને એક કરે છે અને તેમની કુલ સંપત્તિના ઓછામાં ઓછા 25 ટકા હિસ્સો પરોપકારી કાર્યોમાં આપવા માટે પ્રેરિત કરે છે.

આ પણ વાંચો - Son of Hamas: હિંદુ, યહૂદી, ખ્રિસ્તી બધા સાથે રહી શકે છે, મુસ્લિમ ક્યારેય નહીં... હમાસના નેતાના પુત્રએ ભારતના વખાણ કેમ કર્યા?