જેરોમ પૉવેલના નિવેદનની બાદ ગ્લોબલ માર્કેટથી નબળા સંકેતો, SGX NIFTY અને એશિયાઈ બજારોમાં ઘટાડો

શરૂઆત કરીએ ગ્લોબલ માર્કેટના સંકેતો સાથે, તો મંગળવારે અમેરિકાના બજારમાં ઘટાડો જોવા મળ્યો. અમેરિકાના ફેડરલ રિઝર્વના ચેરમેન જેરોમ પોવેલે મંગળવારે કોંગ્રેસ સમક્ષ પુરાવેલી સાક્ષીમાં જણાવ્યું હતું કે અગાઉની અપેક્ષા કરતા વ્યાજદરમાં વધારો જોવા મળી શકે છે, જેના કારણે બજારમાં ઘટાડો આવ્યો હતો. નિવેદનના પગલે ડાઓ લગભગ પોણા બે ટકા, S&P 500 દોઢ ટકા અને નાસ્ડેક સવા એક ટકા જેટલો ઘટ્યો હતો. આ ઉપરાંત તમામ સેક્ટરમાં પણ ઘટાડો જોવા મળ્યો હતો અને સૌથી મોટો ઘટાડો ફાઈનાન્શિયલ સેક્ટરમાં અઢી ટકાનો ઘટાડો આવ્યો હતો. આજે સવારે ડાઓ ફ્યુચર્સમાં માત્ર 25 પોઈન્ટનો ઉછાળો જોવા મળ્યો હતો.

જેરોમ પોવેલે કહ્યું મોંઘવારી હજુ ઊપલા સ્તરે રહી શકે છે. વ્યાજદરો અગાઉની આશા કરતા વધારે વધી શકે છે. લેબર માર્કેટમાં હજુ પણ માગ ઘટી નથી રહી.

વ્યાજ દરો પર ફેડ ચેરમેનના નિવેદનથી કાચા તેલમાં દબાણ જોવાને મળી રહી છે. કાચા તેલના ભાવ 3% થી વધારે તૂટી 83 ડૉલરની નજીક પહોંચ્યા છે.

પૉવેલના બયાનની અસર આજે એશિયાઈ બજારોમાં જોવાને મળી રહી છે. એસજીએક્સ નિફ્ટી 128.00 અંકનો ઘટાડો દેખાય રહ્યો છે. જ્યારે, નિક્કેઈ 0.22 ટકાના ઘટાડાની સાથે 28,370.92 ની આસપાસ દેખાય રહ્યા છે. જ્યારે, સ્ટ્રેટ્સ ટાઈમ્સમાં 0.77 ટકાની નબળાઈ દેખાય રહી છે. તાઈવાનના બજાર 0.36 ટકા ઘટીને 15,800.22 ના સ્તર પર કારોબાર કરી રહ્યા છે. જ્યારે હેંગસેંગ 2.30 ટકાના ઘટાડાની સાથે 20,060.80 ના સ્તર પર જોવામાં આવી રહ્યા છે. જ્યારે, કોસ્પીમાં 1.33 ટકાના ઘટાડાની સાથે કારોબાર થઈ રહ્યો છે. જ્યારે શંઘાઈ કમ્પોઝિટ 0.32 ટકાના ઘટાડાની સાથે 3,276.50 ના સ્તર પર દેખાય રહ્યા છે.