વૈશ્વિક ધોરણે વધી રહ્યો છે અલ્ગોરિધમ ટ્રેડિંગ બુટ્સનો ટ્રેન્ડ

ડિજિટલ નાણાકીય બજારની નોંધપાત્ર ઝડપે વૃદ્ધિ થઈ રહી છે જેનું શ્રેષ્ઠ ઉદાહરણ છે ક્રિપ્ટોકરન્સી. ક્રિપ્ટોકરન્સીમાં દરરોજ નવા અપડેટ્સ આવી રહ્યા છે જેનાથી આ બજાર વધુને વધુ આકર્ષક બનતુ જાય છે. ઘણા ટ્રેડર્સ વિવિધ વ્યૂહરચના અપનાવીને ટ્રેડિંગ કરે છે પરંતુ તેઓ સફળ થતા નથી. ક્રિપ્ટોકરન્સી બજારની વોલેટિલિટીમાં નફો કરવો સરળ રહ્યુ નથી.

ઘણી વખત આ બજાર ફંડામેન્ટલ્સથી વિપરિત ટ્રેડ થતા બધી ગણતરી ખોટી પડી જાય છે. આવી પરિસ્થિતિમાં ટ્રેડર્સ ગૂંચવણમાં આવી જાય છે કે તેમણે શું કરવું જેનાથી પોર્ટફોલિયો સુરક્ષિત રહે. આવી પરિસ્થિતિમાં ક્રિપ્ટો ટ્રેડર્સને ટેકનોલોજી જ કવચ પુરુ પાડી શકે છે. ઘણા ઓટોમેટ ટ્રેડિંગ પ્રોસેસ છે જેમ કે માર્કેટ એનાલિસિસ, ટ્રેન્ડને સમજ આપનાર અને સોદા પાડનાર.

ઓટોમેટેક ક્રિપ્ટો ટ્રેડિંગમાં કમ્યુટર પ્રોગ્રામિંગનો વપરાશ કરીને (ક્રિપ્ટો ટ્રેડિંગ બુટ્સ) ક્રિપ્ટોકરન્સીમાં ખરીદી અને વેચાણનાં સોદા પાડવામાં આવે છે. આ સોફ્ટવેરમાં અમૂક સેટિંગ કરેલુ હોય છે જેથી બજારની ગતિવિધિઓને આધારે તે સોદા પાડવાનો નિર્ણય ગણતરી કરીને લેતા હોય છે. ઓટોમેટિક ક્રિપ્ટો ટ્રેડિંગ માં અનિશ્ચિતતાનો પાસો હોતો નથી. તેમ જ ખરીદ-વેચાણની પાછળ લાગણી હોતી નથી જે ટેકનિકલી સારી બાબત ગણાય.

અમૂક એવા પણ ક્રિપ્ટો બુટ્સ છે જેઓ સ્માર્ટ કોન્ટ્રેક્ટ્સનો ઉપયોગ કરીને છે અને સીધુ બ્લોકચેઈને ઓપરેટ કરે છે. જોકે, મોટા ભાગનાં ઓટોમેટેડ ક્રિપ્ટો ટ્રેડિંગ પ્લેટફોર્મ્સ હજી પણ એપીઆઈ છે. એપીઆઈ એટલે એપ્લિકેશન પ્રોગ્રામિંગ ઈન્ટરફેસ. એપીઆઈમાં ટ્રેડર્સનું અકાઉન્ટ એ ક્રિપ્ટોકરન્સી એક્સચેન્જ સાથે કમ્યુનિકેટ કરે છે. જેથી તેઓ યુઝર્સનાં વતિથી પોઝિશનને ઓપન કે ક્લોઝ કરી શકે.

મેન્યુઅલ ટ્રેડિંગની સરખામણીએ ઓટોમેટેડ ક્રિપ્ટોકરન્સી ટ્રેડિંગનાં ઘણા ફાયદા છે. ક્રિપ્ટોકરન્સી બજાર 24 કલાક ચાલુ રહે છે. આ બજારની સાથે ઓટોમેટેડ ક્રિપ્ટોકરન્સી ટ્રેડિંગ પણ 24 કલાક ચાલતુ રહે છે. આ બાબત મેન્યુઅલ ટ્રેડિંગમાં ક્રિપ્ટો ટ્રેડર્સ માટે સંભવ નથી. ઓટોમેટેડમાં કોઈ લાગણીનો સમાવેશ હોતો નથી તેથી સ્પષ્ટ રીતે તેઓ બજારની પરિસ્થિતિનું અવલોકન કરીને ફંડામેન્ટલ્સનાં આધારે ગણતરી કરી સોદા પાડતા હોય છે.

વિવિધ ક્રિપ્ટો ટ્રેડિંગ બુટ્સ છે જેમાં વિવિધ પ્રકારનાં ફિચર્સ છે. આ ફિચર્સનાં હિસાબે તેઓ ચાર્જ વસૂલે છે. સામાન્ય ઓટોમેટેડ ક્રિપ્ટો ટ્રેડિંગ ચાર તબક્કામાંથી પસાર થાય છે જેમાં ડેટા એનાલિસિસ, સિગ્નલ જનરેશન, જોખમની ફાળવણી અને અંતિમ નિર્ણયનો સમાવેશ છે. ટેકનોલોજી આધારિત વિશ્વમાં સફળ થવા માટે વ્યવસ્થિત માહિતી એટલે કે ડેટા હોવા જરૂરી છે. તેથી પહેલા મશિન લર્નિંગ આધારિત સોફ્ટવેર વિવિધ આંકડા એકઠા કરીને બજારની વર્તમાન પરિસ્થિતિને સમજવાનો પ્રયત્ન કરે છે.

ડેટા એનાલિસિસ થયા બાદ બીજા તબક્કામાં સિગ્નલ જનરેશનમાં આ માહિતી અને ટેકનિકલ એનાલિસિસ ઈન્ડિકેટર્સનાં આધારે કયા સોદા થઈ શકે છે તેનું અવલોકન કરવામાં આવે છે. ત્યારબાદ કેટલા પ્રમાણમાં જોખમની ફાળવણી કરી શકાય છે તે જોયા બાદ અંતિમ નિર્ણય લેવામાં આવે છે.

ક્રિપ્ટો બુટ ટ્રેડિંગથી નફાશક્તિ વધે છે. અલ્ગોરિધમ ટ્રેડિંગ બુટ્સની વૃદ્ધિ નાણાકીય ઉદ્યોગની સરખામણીએ વધુ થઈ છે. વોલ સ્ટ્રીટમાં પણ અલ્ગોરિધમ ટ્રેડિંગ બુટ્સ આકર્ષણનું કેન્દ્ર બન્યા છે. બુટ્સમાં ફક્ત ક્રિપ્ટો જ નહીં પરંતુ ઈક્વિટી, બોન્ડ્સ અને ફોરેન એક્સચેન્જનું ખરીદ-વેચાણ અલ્ગોરિધમનાં માધ્યમે થાય છે.

ટ્રેન્ડમાં આ રીતે બદલાવનો એકમાત્ર કારણ છે કે બુટ્સ એ માણસ કરતા ઝડપી છે. તેમની ટ્રેડિંગ વ્યૂહરચનાં સ્પષ્ટ હોય છે તેથી વોલેટિલિટીના સમયે શ્રેષ્ઠ તક ઝડપી લેવામાં માણસ કરતા બુટ્સ આગળ છે. તેમ જ ક્રિપ્ટો ઓટોમેશન એ ગેરકાયદેસર છે એમ પણ કહી શકાય નહીં. જોકે, ભારતમાં હજી ક્રિપ્ટોકરન્સી જ નિયમનમાં આવી નથી પરંતુ વૈશ્વિક ધોરણે ક્રિપ્ટો ઓટોમેશનને ગેરકાયદેસર નથી ગણાતું.

પરંતુ ઓટોમેટેક ક્રિપ્ટોની અમૂક મર્યાદા છે. અમૂક ક્રિપ્ટો બુટ્સમાં કૌભાંડનાં સમાચારો પણ આવ્યા હોવાથી ક્રિપ્ટો ટ્રેડર્સને જલદી વિશ્વાસ બેસતો નથી. ટ્રેડિંગ બુટ્સથી ફાયદો થશે જ એ નક્કી હોતુ નથી. નકારાત્મક પાસા જોઈએ તો આમાં ખર્ચ વધુ થાય છે. ઘણા દેશોમાં આમાં ફ્લેક્સિબિલિટીનો અભાવ છે. મેકેનિકલ ફેલિયરનાં કિસ્સા પણ સામે આવ્યા છે.