માઈનર્સે બિટકોઈનના ભાવ ઘટાડાની અવગણના કરતા ડિફિકલ્ટી રેટમાં વધારો

બિટકોઈન નેટવર્ક ફંડામેન્ટલ્સ હાલના સમયમાં બિટકોઈનનાં ભાવ ઘટાડાની અવગણના કરી રહ્યા છે. છેલ્લા એક સપ્તાહથી બિટકોઈનના ભાવમાં ઘટાડો થયો છે. પરંતુ બિટકોઈન નેટવર્કમાં ડિફિકલ્ટી રેટ ઓલ-ટાઈમ હાઈ છે અને હેશ રેટ બહુ પાછળ નથી.

વિવિધ અહેવાલોમાં જણાવવામાં આવ્યું છે કે ૨૨ ઓગસ્ટનાં રોજ જ ડિફિકલ્ટી રેટ વધીને ૬.૧૭ ટકાના સ્તરે પહોંચ્યો હતો. આ વર્ષે ક્રિપ્ટોકરન્સી બજારમાં સૌથી વધુ ડિફિકલ્ટીમાં બિટકોઈન છઠ્ઠા ક્રમે પહોંચી ગયો છે. ડિફિકલ્ટી એ માઈનર વચ્ચેની સ્પર્ધા અને બિટકોઈન નેટવર્ક સિક્યોરિટીનું પ્રતિબિંબ છે. તાજેતરમાં જ બિટકોઈનમાં ડિફિકલ્ટી ૫૬ લાખ કરોડના સ્તરે પહેલી વખત પહોંચી હતી.

છેલ્લા એક સપ્તાહના ઘટાડા બાદ બિટકોઈનમાં નીચા મથાળે લેવાલી ગુરુવારે જોવા મળી છે. ગુરુવારે બપોરે એક વાગ્યા સુધીમાં જ બિટકોઈન દોઢ ટકા ઉપર હતો. જો આગામી ૪૮ કલાક સુધી બિટકોઈનમાં સ્થિર લેવાલી થતી રહે તો બિટકોઈન ફરી ૨૮ ડૉલરના સ્તરને પાર કરી શકે છે. જ્યારે પણ બિટકોઈન ૨૮ હજાર ડૉલરની ઉપર પહોંચે ત્યારે ટ્રેડર્સ પ્રોફિટ બુકિંગ કરીને ૨૬ હજાર ડૉલરના સ્તરે પહોંચાડી દેતા હોય છે.