FD Rates: શું હવે FDમાં રોકાણ કરવાનો શ્રેષ્ઠ સમય છે? જાણો શા માટે નિષ્ણાતો FDને લોક કરવાની આપી રહ્યા છે સલાહ

FD Rates: ભારતીય રિઝર્વ બેન્કે ફરી એકવાર રેપો રેટ યથાવત રાખ્યો છે. IBIના આ નિર્ણયથી વરિષ્ઠ નાગરિકો અને અન્ય બેન્ક કસ્ટમર્સને FD થાપણો પર વધુ વ્યાજ દર મેળવવા માટે વધુ સમય મળ્યો છે. હાલમાં, ઘણી બેન્કો વરિષ્ઠ નાગરિકો તેમજ સામાન્ય કસ્ટમર્સને FD પર 9 ટકાથી વધુ વ્યાજ આપી રહી છે. સેન્ટ્રલ બેન્કે છેલ્લા 3 વખત રેપો રેટમાં કોઈ ફેરફાર ન કર્યા બાદ ઘણી બેન્કોએ FD પર વ્યાજ દરમાં ઘટાડો કર્યો છે. આ જ કારણ છે કે ઘણા નિષ્ણાતો આને FDમાં રોકાણ કરવાનો શ્રેષ્ઠ સમય માની રહ્યા છે. લોકો તેમની એફડી વર્તમાન થાપણ દરો પર લોક કરી શકે છે કારણ કે રોકાણ કરવાનો આ શ્રેષ્ઠ સમય છે.

ઘણી બેન્કો સ્પેશિયલ એફડી પર 7 ટકાથી વધુ વ્યાજ દર ઓફર કરી રહી છે. ઘણી નાની ફાઇનાન્સ બેન્કો કસ્ટમર્સને 9 ટકાથી વધુ વ્યાજ દર ઓફર કરી રહી છે. કેટલીક નોન-બેન્કિંગ નાણાકીય કંપનીઓ પણ FD પર 8 ટકાથી વધુ વ્યાજ દર ઓફર કરી રહી છે.

સૂર્યોદય સ્મોલ ફાઇનાન્સ બેન્ક 4.50% થી 9.60%

ESAF સ્મોલ ફાઇનાન્સ બેન્ક 4.50% થી 9.00%

યુનિટી સ્મોલ ફાઇનાન્સ બેન્ક 4.50% થી 9.50%

જના સ્મોલ ફાઇનાન્સ બેન્ક 4.25% થી 9.00%

ઇક્વિટાસ સ્મોલ ફાઇનાન્સ બેન્ક 4.00% થી 9.00%

ફિનકેર સ્મોલ ફાઇનાન્સ બેન્ક 3.60% થી 9.11%

નોર્થ ઈસ્ટ સ્મોલ ફાઈનાન્સ બેન્ક 3.75% થી 9.25%

હવે એફડીને લોક કરવું એ એક નફાકારક સોદો છે

અત્યારે બેન્કોના FD ડિપોઝીટના દરો હજુ પણ આકર્ષક છે. નિષ્ણાતોનું માનીએ તો RBI આગામી 6-9 મહિના પછી રેપો રેટમાં ઘટાડો કરી શકે છે. જો રેપો રેટમાં ઘટાડો થાય છે, તો એફડીના દરમાં પણ વધુ ઘટાડો થઈ શકે છે. આવી સ્થિતિમાં FDમાં રોકાણ કરવા માટે આ સમયગાળો શ્રેષ્ઠ છે.

ફિક્સ્ડ ડિપોઝિટ પર વધુ વળતર મેળવવા માંગતા લોકો સ્મોલ ફાઇનાન્સ બેન્કોમાં રોકાણ કરી શકે છે. આ બેન્ક નિશ્ચિત સમયગાળાની FD પર 9 ટકાથી વધુ વ્યાજ ચૂકવે છે. ઘણી બેન્કો વરિષ્ઠ નાગરિકોને 9 ટકાથી વધુ વ્યાજ ઓફર કરી રહી છે.

આ પણ વાંચો-Singapore: ભારતીય કુક હવે સિંગાપોરની હોટલ અને રેસ્ટોરન્ટમાં કરી શકશે કામ, જાણો નવા નિયમ વિશે