Gold Rule: સરકારનો નિયમ, મહિલાઓ ઘરમાં રાખી શકે છે બસ આટલું જ સોનું, નહીં તો થશે જપ્ત

ભારતમાં સોનું ખરીદવાનો ક્રેઝ સ્વાભાવિક છે. આ જ કારણ છે કે સોનાના ઉપભોક્તા દેશોમાં ભારત ટોચ પર આવે છે. દેશમાં નવરાત્રી, અક્ષય તૃતીયા, ધનતેરસ, દિવાળી જેવા તહેવારોમાં સોનું ખરીદવું શુભ માનવામાં આવે છે. આ દરમિયાન જ્વેલર્સ પાસે ભારે ભીડ જોવા મળે છે. હવે ગોલ્ડ જ્વેલરી ઉપરાંત ગોલ્ડ ETF, સોવરિન ગોલ્ડ બોન્ડ, ગોલ્ડ મ્યુચ્યુઅલ ફંડમાં પણ રોકાણ વધવા લાગ્યું છે. આટલું થયા પછી પણ લોકોમાં સોનાના દાગીના ખરીદવાનો ક્રેઝ ઓછો થયો નથી. હવે સવાલ એ છે કે તમે ઘરમાં કેટલું સોનું રાખી શકો છો. આવકવેરા વિભાગ તમને કેટલું સોનું ઘરે રાખવાની પરવાનગી આપે છે. મતલબ કે મહિલાઓ ઘરમાં કેટલા સોનાના દાગીના રાખી શકે છે.

જાણો ગોલ્ડ કંટ્રોલ એક્ટ 1968 શું કહે છે?

CBDT શું કહે છે?

1994માં સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ સોના અંગે કેટલીક સૂચનાઓ જારી કરી હતી. જો કોઈ પરિણીત મહિલા પાસે 500 ગ્રામ સુધીના વજનના સોનાના દાગીના જોવા મળે, તો ટેક્સ અધિકારીઓ તેને જપ્ત કરશે નહીં. જો કોઈ અપરિણીત મહિલા પાસેથી 250 ગ્રામ સુધીના સોનાના દાગીના મળે તો તેને જપ્ત કરવામાં આવશે નહીં. પરિણીત અથવા અપરિણીત પુરુષ સભ્યના 100 ગ્રામ સુધીના સોનાના દાગીના જપ્ત કરવામાં આવશે નહીં. એટલે કે, જો તમારા ઘરમાં આવકવેરાના દરોડા પડે છે, તો તમને આટલું સોનું રાખવાની મંજૂરી આપવામાં આવશે.

આ નિયમો કેમ બનાવવામાં આવ્યા?

CBDT દ્વારા ઘડવામાં આવેલા નિયમોનો હેતુ આવકવેરાના દરોડા દરમિયાન સોનાના દાગીના જપ્ત કરવામાં રાહત આપવાનો છે. આ નિયમો પરિવારના સભ્યોને લાગુ પડે છે. અત્રે એ ઉલ્લેખ કરવો જરૂરી છે કે સોનાના દાગીના રાખવા અંગે કોઈ નિશ્ચિત કાયદો નથી.