હવે ઘરે બેઠા મોબાઇલ પર થોડી ક્લિકમાં જ LIC પ્રીમિયમ કરી શકો છો જમા, જાણો પદ્ધતિ

LIC Premium Payment Through UPI Paytm: દેશના કરોડો લોકોએ જીવન વીમા નિગમમાં રોકાણ કર્યું છે. LIC કસ્ટમર્સને અનેક પ્રકારની પોલિસી ઓફર કરે છે. LIC કસ્ટમર્સને ઘણી સેવાઓ પૂરી પાડે છે જેથી તેમને LIC પ્રીમિયમ જમા કરાવવા માટે LICની ઑફિસ અથવા બેંકની મુલાકાત ન લેવી પડે. હવે તમે મોબાઈલ ક્લિક દ્વારા તમારી LIC પોલિસીનું પ્રીમિયમ ઘરે બેઠા જમા કરાવી શકો છો. આવો જાણીએ રીત..

તમે તમારા મોબાઇલ પરથી થોડી ક્લિકમાં LIC પ્રીમિયમ જમા કરાવી શકો છો
હવે તમે Paytm, PhonePe અથવા GooglePay દ્વારા LIC પોલિસી પ્રીમિયમ ઘરે બેઠા જમા કરાવી શકો છો. તમે તમારા Paytm, PhonePe અથવા Google Payને UPI સાથે લિંક કરીને પણ પ્રીમિયમ ચૂકવી શકો છો. અથવા તમે મોબાઇલ પર જ નેટ બેંકિંગ અથવા ક્રેડિટ, ડેબિટ કાર્ડ દ્વારા ચૂકવણી કરી શકો છો. હવે તમને UPI પેમેન્ટ દ્વારા પણ ચૂકવણી કરવાનો વિકલ્પ મળી રહ્યો છે. કહેવાનો અર્થ એ છે કે હવે પોલિસીધારકોને પ્રીમિયમ જમા કરાવવા માટે બેંકમાં જવાની જરૂર નહીં પડે.

LIC પ્રીમિયમ Paytm દ્વારા જમા કરી શકાય છે
સૌથી પહેલા તમારી Paytm એપ ઓપન કરો.
અહીં તમને LIC ઇન્ડિયાનો વિકલ્પ મળશે. તેના પર ક્લિક કરો.
LIC પોલિસી નંબર ભરવાનો રહેશે અને બાકીની વિગતો આપમેળે આવી જશે.
આ પછી તમારે પ્રોસીડ ફોર પેમેન્ટના ઓપ્શન પર ક્લિક કરવાનું રહેશે.
તે પછી તમારો પેમેન્ટ વિકલ્પ પસંદ કરો. તમારું પ્રીમિયમ જમા કરવામાં આવશે. તમે તમારા ઘરે બેસીને તમારા મોબાઈલથી પ્રીમિયમ જમા કરાવી શકો છો.

LIC પ્રીમિયમ phonepe દ્વારા જમા કરી શકાય છે
LIC પ્રીમિયમ ચૂકવવા માટે, સૌથી પહેલા PhonePe એપ ખોલો.
અહીં તમને વીમા પ્રીમિયમ ચુકવણીનો વિકલ્પ મળશે અને તેના પર ક્લિક કરો.
LIC પ્રીમિયમ ચુકવણી વિકલ્પ પસંદ કરો. તમારો LIC નંબર અને ઈમેલ આઈડી દાખલ કરો અને કન્ફર્મ બટન દબાવો.
તમારા ક્રેડિટ અથવા ડેબિટ કાર્ડની વિગતો દાખલ કરો અને સબમિટ કરો. તમારું પ્રીમિયમ જમા કરવામાં આવશે.