Sukanya Samriddhi Yojana:દીકરીઓને સરકારે આપી ભેટ, હવે મળશે 22.50 લાખને બદલે 70 લાખ રૂપિયા

Sukanya Samriddhi Yojana: કેન્દ્ર સરકારે દીકરીઓના ભવિષ્ય માટે ઘણી યોજનાઓ પણ શરૂ કરી છે. તેમાં સુકન્યા સમૃદ્ધિ યોજના (SSY) પણ છે. જેની શરૂઆત મોદી સરકારે વર્ષ 2015માં કરી હતી. સરકારે આ યોજના માટે વ્યાજ દરમાં વધારો કર્યો છે. સરકારે નાણાકીય વર્ષ 2023-24ના પ્રથમ ત્રિમાસિક ગાળા માટે સુકન્યા સમૃદ્ધિ યોજના (SSY વ્યાજ દર)ના દરોમાં વધારો કર્યો છે. આ સ્કીમમાં વ્યાજ દરમાં 0.40 ટકાનો વધારો કરવામાં આવ્યો છે. આ સમયે, આ યોજનામાં 7.6 ટકા વ્યાજ દર ઉપલબ્ધ હતું. હવે તે વધારીને 8 ટકા કરવામાં આવી છે. એટલે કે, તેમાં 3 ગણાથી વધુની ગેરંટી છે એટલે કે પાકતી મુદત પર 200 ટકાથી વધુ વળતર.

સરકાર દરેક ક્વાર્ટરમાં નાની બચત યોજનાઓ પર વ્યાજ દરોની જાહેરાત કરે છે. એપ્રિલથી જૂન 2023ના ત્રિમાસિક ગાળાના વ્યાજ દરોની જાહેરાત કરવામાં આવી છે.

સુકન્યા સમૃદ્ધિ યોજના યોજનાની પાકતી મુદત 21 વર્ષ છે. પરંતુ આમાં માતા-પિતાએ માત્ર 14 વર્ષ માટે જ રોકાણ કરવાનું હોય છે. બાકીના વર્ષ માટે વ્યાજ મળતું રહે છે. આ સ્કીમમાં વાર્ષિક વધુમાં વધુ 1,50,000 રૂપિયા જમા કરાવી શકાય છે. રોકાણનો વિકલ્પ માસિક ધોરણે પણ હોઈ શકે છે. સ્કીમમાં દર વર્ષે ઓછામાં ઓછા 250 રૂપિયા જમા કરાવવા જરૂરી છે. વર્તમાન વ્યાજ દરો પર, આ યોજના દ્વારા મહત્તમ રૂ. 69.80 લાખ સુધીની રકમ એકત્ર કરી શકાય છે. આ યોજનામાં કોઈપણ પ્રકારનું જોખમ નથી. અન્ય યોજનાઓ કરતાં આમાં વ્યાજ પણ સારું છે. આ સાથે ટેક્સમાં છૂટનો લાભ પણ મળે છે.

મેચ્યોરિટી પર મળશે લગભગ 70 લાખ રૂપિયા

SSY પર વ્યાજ: વાર્ષિક 8%

મહત્તમ રોકાણ: વાર્ષિક રૂ. 1.50 લાખ

15 વર્ષમાં રોકાણઃ રૂ. 22,50,000

21 વર્ષની પાકતી મુદત પર કુલ રકમઃ રૂ. 69,80,100

વ્યાજ લાભ: રૂ 47,30,100

10 વર્ષની ઉંમર પહેલા ખોલાવી લો એકાઉન્ટ

સુકન્યા સમૃદ્ધિ યોજનામાં, દીકરીઓ 10 વર્ષની ઉંમર પૂર્ણ કરે તે પહેલાં ખાતું ખોલાવી શકાય છે. આ યોજનામાં પરિવારની વધુમાં વધુ બે દીકરીઓનું ખાતું ખોલાવી શકાય છે. આ સ્કીમમાં કરેલા રોકાણથી તમે દીકરીના લગ્ન અને ઉચ્ચ શિક્ષણ માટે ફંડ તૈયાર કરી શકો છો.