Budget 2024: આ વર્ષ કેમ રજુ કરવામાં આવી રહ્યા છે બે બજેટ, વચગાળાના બજેટ અને ફુલ બજેટમાં તફાવત જાણો

Budget 2024: નાણામંત્રી નિર્મલા સીતારમણે આ વર્ષે ફેબ્રુઆરીમાં બજેટ રજૂ કર્યું હતું. પરંપરાઓને ધ્યાનમાં રાખીને બજેટ 1 ફેબ્રુઆરીએ રજૂ કરવામાં આવ્યું હતું. ભાજપ સરકારનું આ છેલ્લું બજેટ હતું. ફેબ્રુઆરીનું બજેટ નાનું રાખવામાં આવ્યું હતું, જેમાં કોઈ આર્થિક સર્વેક્ષણ અને કોઈ મોટા નિર્ણયો નહોતા કારણ કે તે વચગાળાનું બજેટ હતું. જુલાઈ 2019 માં દેશની પ્રથમ પૂર્ણ-સમયના મહિલા નાણાં પ્રધાન બન્યા પછી, સીતારમણે આ વર્ષે ફેબ્રુઆરીમાં પાંચ સંપૂર્ણ બજેટ અને વચગાળાનું બજેટ રજૂ કર્યું છે.

આ વર્ષે 2 બજેટ કેમ

વચગાળાનું બજેટ શું છે

વચગાળાના બજેટને વોટ-ઓન એકાઉન્ટ પણ કહેવામાં આવે છે. તે એક નાણાકીય નિવેદન છે જેનો ઉપયોગ નવી સરકાર સત્તામાં ન આવે ત્યાં સુધી ભંડોળ એકત્ર કરવા માટે થાય છે. વચગાળાના બજેટમાં મોટાભાગે નોંધપાત્ર નીતિગત નિર્ણયો હોતા નથી, જો કે તેમાં ખર્ચ અને જરૂરી ફાળવણીનો સમાવેશ થતો હોય છે.

ચૂંટણી પછી, નવી સરકાર આ નાણાકીય વર્ષ માટે સંપૂર્ણ બજેટ રજૂ કરશે. આ સંપૂર્ણ બજેટમાં સમગ્ર નાણાકીય વર્ષ માટે આવનારા વહીવટની આવક, ખર્ચ અને આર્થિક નીતિ યોજનાઓનો સમાવેશ કરવામાં આવશે. તે નવી સરકારની નીતિઓ અને લક્ષ્યો દર્શાવે છે. નિર્મલા સીતારમણને ફરી એકવાર નાણામંત્રી બનાવવામાં આવ્યા છે, તેથી તેઓ બજેટ રજૂ કરશે.

BUDGET 2024: 20 જૂને ઇન્ડસ્ટ્રી ચેમ્બર્સ સાથે નિર્મલા સિતારમણની પ્રિ-બજેટ મીટિંગ