Union Budget 2025: જો તમારૂ બાળક ભણે છે તો બજેટના આ સમાચાર તમારે માટે મહત્વના

Union Budget 2025: કેન્દ્રીય નાણામંત્રી નિર્મલા સીતારમણે બજેટ 2025 નું બજેટ રજુ કરતા લિબરલાઇઝ્ડ રેમિટન્સ સ્કીમ (LRS) હેઠળ ટેક્સ કલેક્ટેડ એટ સોર્સ (TCS) ની મર્યાદા 7 લાખ રૂપિયાથી વધારીને 10 લાખ રૂપિયા કરવાનો પ્રસ્તાવ મૂક્યો છે.

આ જાહેરાતને સરળ શબ્દોમાં કહીએ તો, વિદેશમાં પૈસા મોકલનારા વ્યક્તિઓને હવે ફક્ત ત્યારે જ TCS કપાતનો સામનો કરવો પડશે જો તેમની કુલ રેમિટન્સ નાણાકીય વર્ષમાં ₹10 લાખથી વધુ થઈ જાય, જે અગાઉની મર્યાદા ₹7 લાખ હતી.

લિબરલાઈઝ્ડ રેમિટન્સ સ્કીમ (LRS) હેઠળ, ભારતીય રહેવાસીઓ, જેમાં સગીરોનો પણ સમાવેશ થાય છે, એક નાણાકીય વર્ષ (એપ્રિલ-માર્ચ) માં લગભગ 2 કરોડ રૂપિયા વિદેશમાં મોકલી શકે છે. આ રકમનો ઉપયોગ ચાલુ ખાતા અને મૂડી ખાતા સંબંધિત કોઈપણ કાનૂની વ્યવહાર માટે થઈ શકે છે.

TCS સીમા વધારવાની અસર

સરકારના આ પગલાથી વિદેશી રોકાણ, શિક્ષણ, પર્યટન અને અન્ય આંતરરાષ્ટ્રીય ચુકવણી કરતા ભારતીયોને રાહત મળશે. આ સાથે, તે બજારમાં વિદેશી નાણાકીય પ્રવાહને સંતુલિત કરવામાં પણ મદદ કરશે. સરકારનું આ પગલું વિદેશી વ્યવહારોને સરળ બનાવવા અને ભારતીય નાગરિકો માટે વ્યવસાયિક સુગમતા વધારવા તરફ એક મહત્વપૂર્ણ પગલું છે.

Income tax Budget: બે ઘરોના માલિક છો તો પણ ટેક્સની ચિંતા કરવાની જરૂર નથી, જાણો નિર્મળા સિતારમણે શું કહ્યુ છે