Union Budget: શેર બજારમાં પણ પૈસા લગાવા વાળા માટે મોટી જાહેરાત, સરકારે આપી ભેટ

Union Budget: શેરબજારમાં પૈસા રોકાણ કરનારાઓ માટે મોટા સમાચાર છે. કર નિષ્ણાતે જણાવ્યું હતું કે કલમ 194: વ્યક્તિગત શેરધારકો દ્વારા પ્રાપ્ત ડિવિડન્ડ પર TDS ની મર્યાદામાં ફેરફાર કરવામાં આવ્યો છે. બજેટ જોગવાઈ મુજબ, હવે વાર્ષિક 5 હજાર રૂપિયાને બદલે 10 હજાર રૂપિયાથી વધુના ડિવિડન્ડ પર TDS વસૂલવામાં આવશે.

ડિવિડન્ડ આવક પર TDS ની મર્યાદા વધારવામાં આવી છે. અગાઉ, જો કોઈ વ્યક્તિને કંપની તરફથી વાર્ષિક ₹5,000 થી વધુનું ડિવિડન્ડ મળતું હતું, તો તેના પર TDS લાગુ પડતો હતો.

સામાન્ય રોકાણકારોને મોટી રાહત મળશે

આ ફેરફારથી નાના રોકાણકારોને ફાયદો થશે કારણ કે તેમને હવે ₹10,000 સુધીના ડિવિડન્ડ પર TDS ચૂકવવો પડશે નહીં, જેનાથી તેમના રોકડ પ્રવાહમાં સુધારો થશે.

ઈનકમ ટેક્સને લઈને કરી મોટી જાહેરાત

કેન્દ્રીય બજેટ 2025 રજૂ કરતા નાણામંત્રીએ આગળ કહ્યું કે સરકાર સંસદમાં ટેક્સ પર નવો કાયદો રજૂ કરશે. સરકાર ટેક્સ કાયદામાં મોટા ફેરફારની તૈયારી કરી રહી છે. આવકવેરાના નિયમો સરળ બનાવવામાં આવશે. વરિષ્ઠ નાગરિકો માટે કરમુક્તિ બમણી કરવામાં આવી. ભાડા પર વાર્ષિક TDS મર્યાદા ₹2.4 લાખથી વધારીને ₹6 લાખ કરવામાં આવશે. આવકવેરા સુધારામાં મધ્યમ વર્ગ પર સરકાર ધ્યાન આપશે. અપડેટેડ એસેસમેન્ટ ટેક્સની મર્યાદા 2 વર્ષથી વધારીને 4 વર્ષ કરવામાં આવી છે.